《同學幫我追女神，點知搞出個大頭佛》: 月 老

「你地…幾時咁熟…？」我的老友大概已經調整好思緒
 
「琴日先識…」我老實回答
 
「你唔係有你個師姐啦咩，仲識其他女仔，乜你咁唔專一嫁？」他作狀地說：「話晒你都鐘意左你個師姐差唔多成年，竟然咁就放棄，我太失望啦。」
 
想用激將法？太天真了。
 
「依個係我老死，邢嘉俊。」我轉移話題，把他介紹給陸翠靈
 




「俊，邊忽俊呀？睇過？」她的毒舌好朋友說
 
「呀心佢份人係咁直，唔好怪佢…」陸翠靈苦笑：「我識你個朋友，佢係個好人黎。」
 
「嗯…」這裡是發好人卡的現場嗎？
 
「係喎，你點解會識得依條咸濕仔？」呀心問
 
「好似之前幫你一樣，我依家準備去幫佢囉。」陸翠靈微笑著
 




「乜你唔係淨係會幫女仔去追男仔咩？」呀心追問
 
「依個人幾純品下，見佢琴日個樣咁sad，咪決定去幫佢囉。」不知道陸翠靈是在讚賞我還是嘲笑我
 
話說，這真的有點不可思議…
她這個角色，不正正就是「月老」嗎…
 
「陸翠靈你唔會係神仙掛？」我衝口而出
 
「…你傻左？…哈哈哈！」呀心大笑起來




 
「睇黎你未訓醒啦，你份人唔單止幾純品，仲幾幽默喎。」陸翠靈輕輕的說
 
「咁唔知你諗到點做未呢？」我細語
 
「我又唔太了解你，一時三刻好難plan既，一陣lunch同我地食啦，比我識下你。」她的笑容有點可愛
 
「哦…」我首肯
 
「我又要黎！」邢嘉俊好像想起了什麼
 
「又想溝翠靈？死心啦，你明知佢拒絕過幾多男仔嫁啦。」呀心搖搖頭
 
原來，她的追求者有那麼多…
但是，我還是不太懂她為什麼會幫我追求別人…




真的只是因為剛剛的因由嗎…
不過，我相信她沒有惡意…
因為她的笑容是如此真摯…
 
「你知你有女性恐懼症嫁啦！」邢嘉俊對我說
 
「邊有？」我極力否認
 
「咁話你唔識同女仔溝通得未呀？」
 
「唯有係咁…」
雖然很不願意被他這樣說，但這是事實沒有錯…