《同學幫我追女神，點知搞出個大頭佛》: 因 由

不知是因為緊張還是什麼，我渾渾噩噩地渡過了整個上午的課堂，一直都在介懷剛剛發生的事情。
 
「食咩呀？」我和邢嘉俊走到月老的面前
 
「無所謂啦，你地決定。」
 
「咁你地想食咩呀？」呀心趴在月老的台上
 
「我都冇所謂…」我回答
 




「十幾歲仔咁冇主見嫁。」呀心好像對我很不滿：「咁樣仲點追你個師姐呀？」
我想陸翠靈已經和她說過大概。
 
「…」
 
「咪就係。」邢嘉俊附和道
 
「…」
 
「你地兩個決定啦咁…」陸翠靈的解圍，讓我從尷尬之中逃脫




 
「食榮記啦咁，學生餐夠晒平，味道又唔錯！」邢嘉俊提議
 
「榮記咁嘈又冇冷氣，去老麥算啦，家下大熱天時！」呀心翻了個白眼
 
「榮記黑豬出名大舊夾底食，你d港女識乜呀？」邢嘉俊反駁
 
「我係港女就唔捱m記啦！」呀心一副不爽的樣子
 
想不到邢嘉俊加上呀心，就如火星撞地球般一觸即發。




我與陸翠靈互相苦笑著，假如不調停他們，應該去到餐廳都已經沒有座位了。
 
「唉，唔好嘈啦，你地邊行邊分組討論啦，我想食lunch姐…」我欲言又止
 
「行啦行啦！」陸翠靈拉著呀心離開
 
一路上，邢嘉俊和呀心分別走在前列，瘋狂的討論著榮記和m記的優劣，我與陸翠靈只好承受周圍異樣的目光，靜靜的跟著他們。
 
「話說你覺唔覺得你自己好似月老？」我打開話匣子
 
「哈哈，係咩？」
 
「點解你會幫呀心同我既其實？應該唔只因為我地都係同班同學咁簡單掛？」
 
「唔…有兩個原因，第一個原因就係你地係我身邊既人，我想見到你地幸福…至於第二個原…因…，當你成功既時候先話比你聽。」她眼中閃過一絲的陰沉，又馬上恢復正常




 
「哦…」原來是這樣
 
「其實我留意左你好耐嫁啦，上年到依家日日望住個籃球場流晒口水咁。」
 
「下有流咩？！」不是吧，難道我連自己的口水也感覺不到
 
「講笑姐純品男。見你日日企喺走廊阻街嘛，為左通道暢通咪幫你囉。」
 
「…」看來我一輩子注定被女人壓榨
 
隨著我們話題的落幕，前方的討論也好像有一番成果。
我們身前的，不是m記也不是榮記，而是一間高級法國餐廳…
 
Café de Coral




 
…