萬呎高空上來一場死亡遊戲: 6
在茶水間中探出頭來的，是一名二十出頭的少年。架著一副八十年代的金絲眼鏡，梳著一頭齊陰造型，還穿著IQ博士裏小雲的背帶褲，整個感覺很像書呆子。
「係呀！當然啦！」文康興奮地從座椅上站起來，走過去迎接這名書呆子。
「大家好呀，你哋可以叫我阿樂。」阿樂傻乎乎地笑著，結交新朋友彷似是令他最為感到驕傲之事。
「承諾個諾？」
「唔係呀，係快樂個樂。我媽媽希望我一生都可以快快樂樂。」阿樂笑得更燦爛，渾沒把這個死亡遊戲看在眼內。
「你好呀阿樂！我頭先將我知嘅講晒出嚟，不如你都講啲我唔知嘅嘢呀？」文康試探著地問，卻沒想到事件竟如此順利。
「好呀！一開始我就好高興咁玩緊飛機啲遊戲，我仲將啲壞人打低晒架，之後無啦啦個畫面轉咗做個好恐怖嘅骷髏頭，話玩咩死亡遊戲。我最鍾意玩遊戲架啦，咁咪聽佢講，戴上面前個口罩囉。我都唔明點解其他人個樣好似好驚咁，明明只不過係一個遊戲咋嘛。」阿樂一時說得手舞足蹈，忘我地訴說一小時前的故事。
「之後飛機無啦啦噴啲白色嘅煙，冇幾耐我隔離位嘅伯伯就喺度叫，叫多幾聲之後佢就瞓着咗。我叫極佢都唔醒，睇嚟佢真係好眼瞓。」阿樂說著的同時，眾人臉色開始湧現充滿疑問的表情。
「之後冇幾耐個個好惡嘅男人企咗起身，我哋全機人都望住佢。」男人應該是首領吧，文康在心中組織著整件事的來龍去脈。
「佢企咗係度一陣，個樣紅晒。之後佢抬頭望住天花板，合埋眼，」阿樂模仿著首領的舉止，慢慢抬起手抓著那不存在的口罩，「一手除咗個口罩。個刻我見隔離啲人個樣都好驚訝，但我覺得好好玩，我都跟住佢除咗個口罩。」
「有啲人都有樣學樣，不過好多人都無除到口罩。之後個個好惡嘅男人，」阿樂說到這時，整個人縮一縮，眼睛看著地板，好像給嚇壞了，「佢行咗去最前面個行，開始講佢嘅計劃。」
「計劃？」文康皺著眉，一臉愁容。
「佢話佢計過條數，每半小時少三個人，到達香港嘅時候都係少九十個。成班機二百人，即係仲有一百幾人可以生存。佢話我哋機艙人數都係七十幾人左右，佢可以保護到我哋。」
不安的預兆在眾人心頭裡浮起。
「點保護？」文康引導著阿樂繼續說下去。
「佢…佢話機艙入面邊個冇氧氣，佢會即刻去第二個機艙搵一個空位比個個人用。」
文康劍眉一揚，整件事有頭緒了。
「佢話佢可以負責做晒啲邋遢嘢，條件係大家都要支持同保護佢。我…我唔認同囉，個遊戲明明係抽籤架嘛，點可以犯規架。」
「我都唔認為可以犯規囉！」Melody調皮的語氣把眾人從沉思中拉回來，「唔該晒你呀阿樂！差唔多夠鐘啦，你快啲返埋位戴返好口罩啦！」
「嗯！好開心可以同你哋做到朋友呀！我媽媽成日話我傻，我啲朋友都笑我，話我係唔知咩智弱，根本無人聽我講嘢嘅！」眾人心裡同時明白過來，難怪他言行舉止總帶點怪異。
「等陣我再返嚟同你哋傾計呀！」看著這天真爛漫的心靈無知地誤踏這醜惡之地，文康有話想說出口，但最後還是把話吞下肚子裡去。
「等陣見啦。」文康苦笑著向阿樂揮手道別。
距離降落時間：14小時43分鐘。
「佢企咗係度一陣，個樣紅晒。之後佢抬頭望住天花板，合埋眼，」阿樂模仿著首領的舉止，慢慢抬起手抓著那不存在的口罩，「一手除咗個口罩。個刻我見隔離啲人個樣都好驚訝，但我覺得好好玩，我都跟住佢除咗個口罩。」
「有啲人都有樣學樣，不過好多人都無除到口罩。之後個個好惡嘅男人，」阿樂說到這時，整個人縮一縮，眼睛看著地板，好像給嚇壞了，「佢行咗去最前面個行，開始講佢嘅計劃。」
「計劃？」文康皺著眉，一臉愁容。
「佢話佢計過條數，每半小時少三個人，到達香港嘅時候都係少九十個。成班機二百人，即係仲有一百幾人可以生存。佢話我哋機艙人數都係七十幾人左右，佢可以保護到我哋。」
不安的預兆在眾人心頭裡浮起。
「點保護？」文康引導著阿樂繼續說下去。
「佢…佢話機艙入面邊個冇氧氣，佢會即刻去第二個機艙搵一個空位比個個人用。」
文康劍眉一揚，整件事有頭緒了。
「佢話佢可以負責做晒啲邋遢嘢，條件係大家都要支持同保護佢。我…我唔認同囉，個遊戲明明係抽籤架嘛，點可以犯規架。」
「我都唔認為可以犯規囉！」Melody調皮的語氣把眾人從沉思中拉回來，「唔該晒你呀阿樂！差唔多夠鐘啦，你快啲返埋位戴返好口罩啦！」
「嗯！好開心可以同你哋做到朋友呀！我媽媽成日話我傻，我啲朋友都笑我，話我係唔知咩智弱，根本無人聽我講嘢嘅！」眾人心裡同時明白過來，難怪他言行舉止總帶點怪異。
「等陣我再返嚟同你哋傾計呀！」看著這天真爛漫的心靈無知地誤踏這醜惡之地，文康有話想說出口，但最後還是把話吞下肚子裡去。
「等陣見啦。」文康苦笑著向阿樂揮手道別。
距離降落時間：14小時43分鐘。