萬呎高空上來一場死亡遊戲: 10

安詳。 

也大概只有這詞能夠形容老夥伴吧。 

滿足。 

應該是雙老最後的心情。 

恐懼。 





是眾人的情緒嗎？ 

不忿。 

是少年心中的一團火。 

「可惡…」咬著牙切著齒，滿腔憤怒彷彿像個將要爆開的氣球。 

「咁搞法，咪隨時到我哋？」中年漢子慌張地站起來。 





如果說，金髮少年的死在眾人心裏埋下絕望的陰霾，那現在阿樂和雙老的死，就是把絕望挑起，再讓心靈掉下懸崖的噩夢。 

「屌，咁點算呀！」四人組情緒被感染起來。 

「我唔撚想死啊！」 

「係囉，點算呀？」柔弱的少婦把兒子緊緊的摟在懷裡。 

機艙陷入一片的混亂。 





然後，上天還唯恐不亂。 

嚓…嚓…嚓… 

光管從前座開始熄滅，一直至機尾。 

「啊！」少女的尖叫聲充斥著漆黑一片的機箱。 

「咩事呀屌！」 

突如其來的狀況把瀕臨崩潰的情緒逼向極端。 

「大家唔好驚！冷靜！」文康大聲一喝，「大家唔好離開自己嘅座位！保護好自己嘅口罩！」 

這話把眾人從崩潰邊緣拉回來，大家都立刻伸手找回自己的口罩，畢竟沒有口罩，就沒有未來。 





因為此話，大家也稍為定了下來。 

「我而家試下開唔開到飛機座位啲燈先。」 

數秒的沉默，伴隨著微小的按鈕聲音。 

「睇嚟都係冇反應啦。」語氣中帶著失望，可是少女卻從中感受到一點興奮的情感，是錯覺嗎？ 

窗外是沒有一點光線的暗夜。 

銀月躲起來了，彷彿不想看見後來泯滅人性的結局。 

機內失去所有的光源，螢幕亦不再倒數著。 





失去光華的機箱，讓人展露面具底下的真面目。 

機翼紅燈閃爍著，是保護著飛機的安全，還是示意眾人小心的警號？

「咁多位，」文康再次開腔，現在的他無疑是這群無頭蒼蠅的頭目，「而家咁黑，我哋唔適宜作出任何嘅行動，不如我哋等一陣，睇下會唔會再開返燈？」 

「都好嘅，乜都睇唔到，都唔知可以做乜。」中年漢子第一個附和，然後其他人也表達了贊同的答覆。 

「既然大家都咁諗，我哋而家更加唔可以離開個座位。第一，離開咗座位就無人保證你返回嘅時候口罩係完好無缺。」 

眾人倒抽一口涼氣，暗自責怪自己剛才失控的情緒差點送了自己的性命。 

「而家呢個情況，都唔理得會唔會比人抽中，最緊要係先確保口罩唔會受損。」 

機內又是一片附和之聲。 





「第二，你離開咗座位，可能會對其他人做成騷擾甚至引發混亂嘅行為。我哋而家要團結，前面艙嘅人可能隨時入嚟，我哋唔可以一盤散沙咁！」文康一番話讓低沉的氣氛再次激動起來。 

「你啱！自己人唔好打自己人，我哋齊心向外！」粗獷的聲音響絕整個機箱。 

「我提議，大家喺呢段時間盡量同身邊嘅人溝通。而家我哋失去視覺，就更加要利用聽覺同說話嚟溝通。一有咩唔妥嘅，身邊嘅人都可以即刻發現，再通知大家。」文康的想法為大夥兒打下生存下去的強心針，周密的計策彷彿滴水不漏。 

「而家大家螢幕都冇咗計時器，咁啱我有帶電子錶，我而家set鬧鐘，會係噴霧之前五分鐘響，等大家有個心理準備，好冇？」文康按著電子錶，發出煩人的嘟嘟聲。 

「就嚟噴霧架啦，大家差唔多要帶口罩啦。」文康提示著眾人，機艙內傳來口罩吊帶絲索之聲。 

然後，文康站了起來。 

距離降落時間：13小時48分鐘。