【英雄系列4】神盜俠侶: 3

3.



「成..成為盜賊？」


呢個西裝友繼續講

「我叫王家偉，係一個已經退左休既盜賊，我既身家已經足夠我過埋下半世...不過咁既生活太悶啦，所以一年前我就開始訓練新既盜賊」





「你地兩個年青人，正正就係我心目中既理想人選」


「咩料呀你...都唔知你up乜！！」我真係冇興趣陪佢癲:「係喎，你個八婆好快d比返個銀包我呀！」

misa:「你都痴線既！你自己咸濕就抵死啦！」


王家偉冇理我地，從手機開出一段片段





片段清楚影到我同misa執錢既經過！！！


「哈，你以為我講假架？」王家偉越笑越令人心寒:「如果你地唔應承既話，咁我唯有將呢段片交比警察」

唉屌..早知唔咁貪心啦....


「係咪後悔緊呢？」王家偉走近我方:「不過，我就係想要d好似你地咁貪心既人」





「貪婪係人既本性..有邊個唔想要錢丫？d錢你今日唔拎，聽日咪又係落響有錢人手上」

「依家既香港人，努力完之後得個桔，唔通你地都想好似一生人平平淡淡咁過？」


王家偉既呢番說話好似特登講比我聽咁

過去既我一直相信努力有回報，但到頭來我得到d咩？

我要得到更多..更多..！！！


「好，我應承你..」





我同misa異口同聲講


「喂，你條八婆又跟風呀？」

misa怒睥我:「我冇名比你叫呀！我係諗過度過先決定架」

「我果份sales工都只係賺得果一萬三，我寧願搏一搏！」


「嘿嘿...果然冇睇錯人，你地兩個都夠貪心」王家偉輕笑住:「跟我黎丫」

「去邊？」

「去我既基地」






王家偉帶住我同misa上到附近某座商業大廈既12樓

佢口中既基地，就係一間空無一人既辦公室單位

單位內就只有一張凳同一張辦公枱


「我頭先就係響呢度拍低你地兩個，哈哈」王家偉坐上凳上:「兩位介紹下自己先」


misa笑道:「我叫衛美莎，英文名misa，23歲，無屋企人，依家響gucci中環總店做sales」

「做騙子就騙子啦，扮乜春姐！」我怒道





「係你自己咸濕姐！」

王家偉聽到後不禁笑道:「好啦好啦，你兩個有咩恩怨都遲d先講啦，咁你呢？」


「我叫林保德，24歲，屋企有老豆老母加個表妹，之前響一間建築公司做工程師，但我屌鳩完老細之後就冇做」

王家偉露出一個神秘既笑容:「炒老細..幾有型喎，嘿嘿」


「阿德，misa，歡迎你地成為盜賊」

王家偉再企起身:「雖然我退左休，但依家既我仍然會作為中介人，幫一d盜賊搵老闆」





「黎緊我將會教授哂所有既盜賊技巧比你地，你地要心理準備啦」


王家偉遞上兩本記事本:「呢本係盜賊既基本知識，你地今晚好溫熟佢，聽日我會test你地兩個」

「你地兩個要答我提出既20條問題，只要任何一人答錯3題，我都會照將條片send比警方，嘿嘿」


「喂，你又話跟你搵食就..」

王家偉奸笑住:「唔好咁講，我相信你地兩個都會合格既，哈哈...聽日等我電話啦」


唉屌，今次真係仆街



離開大廈後

「八婆！！比返個銀包我呀！！」我從後追上misa


「哼！係唔比你呀，咁點呀？」misa對我做出鬼臉

「我死都跟住你，吹咩」

misa哼一聲:「無賴！」


misa坐上電車，而我亦跟上

「喂，你跟夠未呀！係咪我返屋企都要跟呀？」

「你一日唔比返個銀包我，我都會死跟住你」我道


「死人變態佬！跟蹤狂！！」misa鼓起嘴





我跟住misa去到灣仔既軒尼詩道

「你又話做sales既，你唔駛返工咩？」我問

misa眉頭一皺:「都做盜賊賺大錢架啦，仲返黎做咩呀！」


「丫，估唔到你都幾有錢架喎..住軒尼詩道」

misa:「間屋我租架咋，我都冇屋企人..」

「佢地呢？」

「已經走哂...」




「八婆！！！！！呃我大佬錢！！！！！」

呢句唔係我講

係對面街三個拎住木棍既公仔佬講！！！



「喂走呀！！！！」

我同misa馬上回頭直奔


「原來你條八婆仲有呃其他人錢架！！！！」

misa邊跑邊講:「咪嘈啦！一陣打埋你呀！！！！」



我同misa跑進灣仔地鐵站

好彩依家係中午時間，車站都仲係好多人，我地依靠住人群成功拉開距離

岩岩好有列車到站，我就拉住misa塞入人潮湧湧既車廂

公仔佬們只能目送我地坐上列車


「嘩，屌你，日光日白拎架生都有既..」

「喂...你捨得放手未呀？」被人堆逼到貼近我既misa問


我先發覺，原來我一直拖住佢

「屌...sorry囉..」我馬上縮開手:「估唔到你都有呃鳩其他人架喎」

「係d人死蠢之嘛！比我講兩講就同我上房！」


「哼，臭雞..」

misa怒視我:「冇錢係咁架啦！我都係最近先咁做既姐！我唔似你呀，我得萬幾蚊一個月架咋！」

我真係唔明為錢同人扑野既心態


「唉..死啦，一定係前日比左個真地址條友，佢先響樓下捕住我啦..」misa苦惱住:「唉...咁呢世都返唔到屋企啦..」

「哈哈，抵撚死啦！呃錢呃到你咁撚蠢！」


「哼！你比我呃仲蠢啦！！」

唉屌，今次真係人生污點


「喂，阿德~」misa忽然一改語氣:「我依家冇屋住呀..你比我上你度住丫..」

「你都on撚9，呃鳩完我仲想水鳩我呀？」


岩岩好搭到去柴灣

「最多我比返個銀包你丫」misa繼續求我

「你痴撚線，個銀包根本應該係我架嘛！」


misa死心不息:「不如咁啦，最多我又同你..咩啦~」

「見過鬼仲唔怕黑咩屌！」我加快腳步行往翠灣商場:「唉都唔知你有冇病既，聽日睇下醫生算啦」

「緊係冇病啦，我不知幾健康呀！」


「咦...阿德？！點解你響度既」

響我面前既，係我老母！


屌...比條八婆煩住哂，唔記得左自己裸辭左，返左黎..

唉molamola


「我，我今日開始放年假丫嘛！尋晚玩夜左！」我連忙解釋

「哦..唔怪之得尋晚冇返黎訓啦..」老母指住misa:「呢位係..？」


misa馬上撓住我:「伯母你好，我叫misa丫..係阿德既女朋友！」

「哦..女朋友呀..」老母馬上笑到四萬咁口:「阿德你又係既，識左個咁靚既女朋友都唔同我地講既！一場黎到，不如今晚食埋飯先走丫」

「嗯！好呀！」misa馬上行上前:「伯母，我幫你拎野丫」

「呵呵..misa你真係好人啦..」

misa馬上回頭，向我單一下眼



唉屌..