【英雄系列4】神盜俠侶: 4

4.


misa跟住老母返到屋企

「哈哈，地方細，misa唔好介意呀..」老母馬上倒杯茶比misa

misa搖搖手:「唔緊要..好過我果度架啦...」






老豆岩岩好響廁所行出去

「喂..呢位係..？」

misa先點一點頭:「世伯你好丫，我係阿德女朋友misa呀？」

「哈哈..原來係阿德女朋友..」老豆推我入房:「喂，帶misa入房啦！」

misa笑笑口:「好丫，我都想睇下阿德間房」





老豆仲要即刻閂門，唉屌..



misa一入到屋就彈上我張床:「嘩，你張床又幾彈架喎！」

「你有冇禮貌架，一入黎就跳上我張床度！」

「車，有我呢個靚女訓你張床，你執到啦」misa把玩住床邊既高達:「你都幾多高達架喎...」





話口未完，misa就將獨角獸高達支槍整跌左



「屌..咪搞啦..」我馬上搶返過黎

「sorry囉..」misa從手袋中拎出我既銀包，遞比我:「你個銀包呀..」




我馬上點清楚有冇唔見野

好彩錢同d身份證信用卡都仲響度






「咁我以後都住呢度架啦，呵呵..」

「你都痴撚線！今晚食完飯嗱嗱聲走tim呀！」我行出房，拎出一個杯麵

misa:「喂我又食！」

「咁麻煩架...」



響食麵期間，我拎返王家偉比果本野出黎

「盜賊知識大全..」我喃喃自語:「第一條:不能向家人透露自己為盜賊..」







前面既一堆規條我只係睇左一兩眼就算，直接快到去中間

「盜竊的技巧」


「假如以盜竊對方身上財物為目標，初學者就應先以分散對方視線為手段，再找尋機會下手」

屌..鬼唔知咩...

仲要配埋d武功秘笈咁既圖


「喂喂，試下呢招丫..」misa遞上其中一頁:「如果盜竊失敗，被對方從後捉住時，可以用掃腳將對方打至倒地反擊」





「試乜春呀..」

misa直接行到我前面，將雙手放到後面:「你捉住我對手丫」

「哦...」我響後面捉實


misa二話不說，以後掃腳踢向我右腳膝頭

「哇屌！！」右腳即刻軟哂，我成個人跌落地

misa即刻恥笑我:「咁渣架你，哈哈！」

「屌你，踢中呢個位係人都跌落地架啦」我慢慢起返身:「咪搞埋哂d無聊野啦..溫下書好過啦，我唔想坐花廳呀」





「好囉...」

雖然係公廁，但係呢個misa又真係幾正既




「唉..好難背呀d野..」misa溫到響我張床上面打轉

好彩我讀過下書，背野都唔算太難到我

嘿，睇死你條八婆都讀唔成書啦，蠢過西咁！



「咯咯」

老母打開門:「食得飯啦！今晚好多餸呀」

「哦...知啦」原來都成7點


出到去，飯枱上面有成7樣餸

為左個八婆，駛唔駛咁呀...




「咔！」


「我返黎啦表哥....咦，呢位係？」補完習既小藍打開房門

「hi..你就係阿德個表妹啦？」misa友善地向小藍點頭:「我係阿德女朋友misa丫」

「你好呀我叫小藍..」小藍笑住口答


笑到見牙唔見眼既老豆:「好啦人齊啦，大家食飯啦！」


老豆老母成餐飯不斷夾餸比misa，又雞脾又鮑魚仔

「我呢個仔咁大個仲唔爹唔吊，misa你記得睇實佢啦！」老豆講

「嗯知啦..其實阿德對我好好架，又好浪漫」misa繼續扮sweet

老母:「呵呵，阿德識到你呢個女朋友真係好彩啦！」


「係呀..我諗住，黎緊都同阿德住呀..」misa竟然夠膽死咁講！

「..好！緊係好啦！！！」唉屌.我都估撚到


「嘻，咁以後就可以日日見到阿德你啦！」misa仲要偷偷地對我奸笑一下




食完飯沖完涼之後

「嗱，呢條就係問文章既中心思想係咩，你只要..」

misa竟然響度教緊小藍做功課


「表哥，你女朋友misa好叻丫！我平時問你唔識果d中文題目佢都識答架」

屌，我理科鬼識咩！


「乜你都識呢d野既咩？」我問

misa答:「我A level中化都拎B架！係你覺得我蠢姐」

咁勁都仲要做sales..？


「係喎，misa你以後都會響度住架？」

「嗯..暫時都係啦..」misa答

小藍奸笑:「嘻，咁我駛唔駛訓廳，讓間房比你地呢？」

「唔駛啦，哈哈」misa掩住嘴笑:「我去沖涼先」

小藍遞上幾套衫褲:「misa，你著住我果d衫先啦」

「好呀..唔該小藍！」


misa一出左房門

小藍笑笑口:「表哥你真係好彩啦，識左misa呢個咁靚女既女朋友！」

「車..有咩咁好彩呀..」

「嘻，以後有人教我中文lu！」小藍無時無刻都串緊我

「你果d數學功課咪又係我教你！」



「呼..舒服哂！」

抹住頭既misa行返入黎

著住短褲仔，白色背心，仲要透紅色bra，駛唔駛咁淫呀..


「喂，不如你訓廳啦..」我道

小藍:「表哥你咁對你女朋友架！緊係一齊訓啦！」

「咪係囉！都唔知你怕乜！」misa對住我奸笑

屌...我係驚訓醒又比佢偷野咋



熄左燈，等到小藍訓左之後

我就響地下鋪張墊打地鋪


「點呀你，仲諗住住到幾時呀？」

misa挨響床上望住我:「唔知架，不過你屋企人咁鐘意我，住到幾時都得啦」

「屌...比你個公廁玩撚死..」


「咩公廁呀，你講野小心d好喎...」misa道:「我地尋晚都冇...」

「吓...」

「你醉到pk呀，仲點搞野呀..」misa停一停再講:「再講丫..我尋晚都係第二次出黎搵食姐...」


「咁..點解你要做呢d野？乜你真係唔夠錢咩？」我問

misa轉身:「你...你唔好理咁多野啦...我以後長住架啦，聽朝陪我買d衫啦」



「喂你唔撚係下話..喂..喂..」屌，咁快訓撚著左




「唔該..要呢件..呢件..仲有呢件丫！」

misa條八婆去左灣仔買衫，而我就比佢拉左出黎


「喂，幫我拎啦！」misa遞上幾袋衣服

「你都on9，我又唔係你隻兵」

misa嬌嗲道:「喂呀~你係我男朋友黎架！」

「閘住！你唔好真係當真呀...」


「其實阿德你個樣都幾試正丫，份工又有前途，識唔到女朋友咩？」misa問

我:「日日都開ot，放假響屋企訓下好過啦」


「你阿媽搵你！你阿爸搵你！你老婆搵你！...」

misa聽到我既手機鈴聲馬上恥笑:「嘩哈哈，乜你仲用埋d咁老餅既鈴聲架！屹屹屹屹屹」


「誰人又相信 一世一生這膚淺對白~」

我:「車，你鈴聲仲老土啦！k歌之王」

「你..你識咩丫！」




「喂？」

「阿德，misa，一陣1點，上返尋日果個office，係時候要測驗啦，嘿嘿」