【英雄系列4】神盜俠侶: 5

5.

我同misa你眼望我眼

「點呀..你準備好未架...？」我問

misa自信地答「緊係得啦，我背熟哂架啦！」

希望misa係講真，事關fail既話大家都要坐花廳







我同misa上到尋日既果個office

「咔」

果個王家偉已經坐左響度等我地


「阿德，misa，果然好準時喎...坐丫」





我同misa坐下，枱上已經各有一份試卷

「事不宜遲..測驗時間10分鐘，依家開始」


呼..太耐冇做過試卷，總有d壓力..

冇事既冇事既..林保德，你中學果陣係考試機械黎架嘛，20題mc會嚇到你？！






第一題

「盜賊可以分成多少種類？」

我記得，有專打人荷包既「文雀」

有爆格既「竊俠」

負責打劫既「劫者」

利用偷龍轉鳳、佈局等黎偷野呃野既「提將」

最後就係專門偷取大額金錢、寶藏、珍寶既「寶獵」






總共有5種，係D！


好彩都仲算易，去下一題先


第二題

「盜賊守則第一條是？」

係A，不能向家人透露自己為盜賊！


第三題





「如果被警察追住，最佳既逃生方法為？」

仆街..撚知咩...

唯有估係B..反擊啦


好快就答到最後一條

第二十題

「如果拍檔被捉住，你會怎樣做？」

A.逃命 B.救助拍檔






理論上，應該係A

但係呢個王家偉咁撚神化，又有可能係B喎


「最後十秒！」

仆街..係咩呢..

唉！撞個B比佢啦！







「夠鐘，嘿嘿，等我睇下你地做成點先」


王家偉拎起我同misa既卷

望左兩眼


「嘿...misa，你都幾叻女，岩左19條」

「至於阿德你呢...」


仆街，唔係唔得下話..

「17條，岩岩好，嘿！」


「王生，我想問下..」我膽敢問一句:「第二十條既答案係咩？」


「嘿，答案係....兩個都岩」

「理性上係應該走，感情上係要救拍檔...係睇你點樣決定姐」

王家偉:「不過你地兩個都係答左B，證明你地都係以感情做事既人」


我望一望misa

misa尷尬道:「你..你唔好咁樣望住我呀...我係驚個拍檔會供埋自己出黎先揀B咋！」


「嘿，你地兩個真係幾好笑..」王家偉拎起車匙:「不過點都好，你地兩個都合格，我保證唔會再用果段片黎要脅你地」

「我依家..就要帶你地去一個地方」




王家偉揸住佢既civic帶我地過海

「係喎，你地兩個又冇車牌架？」


misa:「我冇呀，女仔之家等人車我架嘛，哈哈」

「哈哈哈哈，你都幾醒架喎」王家偉難得地笑得開懷:「咁阿德你呢？」

「有呀..果陣響大學考左車牌..」

「喂，咁就好啦，做我地呢一行，識揸車方便好多」


「王生，點解你會做呢一行？」

王家偉吸一口氣:「二十年前，我係一間上年公司既營業部做經理」

「但有一次，比上司質左我食死貓，就比間公司炒左我」

「果日開始，我就明白，呢個世界根本就唔公平，腳踏實地既先係傻仔」

「要搵大錢就要夠奸，就係咁..我就成為左盜賊」


原來，佢同我都係一樣



汽車駛到洗衣街

「就..呢度啦...」


misa問:「我地黎呢度做咩呀？」

「做筆試就唔夠既，實戰一下就最好！」


王家偉指住對面街一個打扮老土既四眼毒男

「你地既目標，就係偷左呢位先生既銀包」


「唔係掛..無仇無怨好難落手喎...」我道

王家偉笑道:「我地做盜賊就係咁，無論對方係邊個，都一定要達到目標」

「雖然我係一個『寶獵』，不過打荷包呢d基本野，點都要識」王家偉打開車門門鎖:「落車啦，我會睇實你地架啦，哈哈」


我同misa落車後

「喂，咁點算呀？」

misa道:「可以點姐，唯有跟上去既姐！」


就咁睇，呢個毒男滿面暗瘡、身材瘦削、仲拎住一個dr kong背囊

見住佢呢一身look，真係唔忍心向佢落手


「真..真係要落手呀？」我問:「人地毒撚黎咋喎..」

misa猶疑答:「咁..都要偷架啦，一陣我地唔落手，王生佢又分分鐘send條片比差佬架！」


內心掙紮不斷既我地，只好跟住呢個毒男行往豉油街