【英雄系列4】神盜俠侶: 8

8.

「唉...」我食住漢堡包嘆氣

misa皺眉:「好煩呀你，唉左好多聲啦你！」


「唉....到底應唔應該去西班牙呢？」

「王生話決定權響哂我地度，我地去就去，唔去就算...」






「misa..咁你諗住點呀？」我問

misa仰起頭思量:「一億的確係好吸引既，不過...就咁聽好似好危險咁」

的確係，對方分分鐘仲會有槍


「不過，都要睇你既，如果你去既話，咁我都一齊會跟你一齊..」







「乜料呀你..無啦啦講呢d野既..」我冷笑幾聲:「你唔係鐘意我下話？」

「你咪發癲啦，我只係覺得同你夾開有默契咋，你醒下啦！」misa連忙反駁呀

都係既，就算你鐘意我，我都唔so你啦八婆！






「我覺得...其實可以一搏..」我吸一口氣再講:「依家我地一日可以偷到大約4千蚊，我地都要2萬5千日先可以搵到一億」

「即使危險，我認為都係幾抵...不過唯一既問題就係，點同屋企人講...」


「都係既...一係你同佢地講你去旅行囉」misa提議

「嗯，唯有係咁..」


「阿德，你可唔可以陪我去一個地方？」

「好..邊度呀？」









「婆婆！」

「係你呀，美莎，好耐冇見啦孫女！」


原來misa話去既地方，就係療養院

呢位外表慈祥既老婆婆，應該就係misa既婆婆了


「對唔住呀婆婆，前排做野太忙，唔得閒黎探你呀！」misa帶歉意道





「唔緊要，做野重要d嘛！」婆婆道:「咦..呢位係？」


misa撓住我手:「佢係我男朋友黎呀，叫阿德，佢做工程師，好錫我架！」

嘩屌，又想搞咩呀..


「原來你係美莎男朋友呀，呵呵..」

騎虎難下，我只好答:「呃..係呀係呀，婆婆你好！」


「阿德睇落都係一表人才，美莎你又幾好眼光喎」婆婆望住我:「你記住要美莎好d呀，一陣你好似佢伯爺咁對佢，我實唔放過你架！」





「知..知啦」


misa批住蘋果:「阿德佢唔會架，依家我搬左去佢度住，佢屋企人都對我好好架」

「哈哈，咁你都幾好仔喎..」

「批好啦婆婆，我餵你食丫」

原來，misa都幾孝順...


「丫，我去洗手間先，阿德你幫我睇住婆婆丫！」

「嗯..」






「阿德..」

「做乜呀婆婆？」

婆婆語重心長道:「我得美莎一個外孫女，你一定要對佢好呀..」

「自從佢阿媽死左，佢就一個人養埋我，就連我前排做手術既錢都係美莎比架...」

「呢間療養院都係美莎比錢架，一個月成萬蚊架..」

原來，misa咁想要錢，都係為左佢婆婆


「放心啦婆婆，我一定會對美莎好架..我會比好既生活佢」

「嗯，咁我就放心啦..」


misa剛剛返到

「咦你地傾緊咩呀？」

婆婆道:「冇..冇野呀...」

misa扁住嘴:「哼，懶神秘咁」



「我地走啦，婆婆，下次再黎探你啦」misa向婆婆道別

「拜拜啦，下次記得帶埋阿德黎呀！」婆婆亦笑道

「嗯，我下次都會黎架..」


一出到療養院，misa就已經流住馬尿

「岩岩聽你婆婆講...原來d手術費同療養院既錢都係你比，係咪？」我問

「乜...乜你咁多事架..」misa責怪我

我遞上紙巾:「估唔到你都幾孝順喎，我都睇錯左你」

「收聲啦你！」misa抹住眼淚:「如果有呢一億，我就可以比d好生活婆婆啦..」


「放心啦，我地一定得既..」

misa轉頭望住我:「阿德，唔該哂你，我要你扮我男朋友，都係想婆婆開心d咋」

「嗯..我明既...」



「阿媽，我今日辭左份工啦」

食飯果陣一講呢句，全屋靜哂


「唔係掛阿德？辭左？間公司幾好架喎」老豆問

「做左幾年都冇升過職，咪諗住抖下囉，黎緊我會同misa去旅行」

老豆擔心道:「阿德，做人最緊要腳踏實地呀，你依家辭左工，好難搵返間同樣人工既工架！」

根本老豆都唔知間公司點對我


「算啦，阿德咁大個人，識諗架啦..」老母擔當和事佬

「唉..冇眼睇！」


小藍問:「咁..你地去幾耐架？」

「可能...2星期至一個月掛..」misa道:「嘻嘻，其實我同阿德都未諗清楚架..」

「我唔捨得你地呀...咁你地幾時出發呀？」小藍扁住嘴

係喎...幾時出發呀？


「我地後日就出發架啦」misa講大話真係唔眨眼

「嗯！..係..係呀，我同misa後日就會出發去第一站西班牙架啦」



飯後，我馬上致電比王生

「喂，發叔，我同misa決定左，我地會去西班牙..」

「哈哈，最後都係諗住去..咁好啦，後日上晝9點半你地自己去啦，我響果邊既同事之後會聯絡你地架啦」


先係被misa偷銀包，再成為盜賊，依家仲要去埋西班牙

人生..真係太刺激啦