【英雄系列4】神盜俠侶: 16

16.

艾比度拿華斯講完呢番話之後，螢幕又變回黑色

我同misa沉默良久


「呢個..就係聖人遺產...」我拎起塊底版

「佢真係值一百億美金咩..」misa懷疑道:「就咁睇，好似只係一塊細版既電腦motherboard咋喎..」





「我唔知....不過依家總算達成任務啦」我地行出通道:「不過，呢個拿華斯頭先話IID都有恐怖份子滲透，唔知咩意思呢」

「唔理lu，依家拿拿聲返去交差，收到錢就算啦！」misa得意洋洋道:「嘻嘻，到時有成億，做咩好呢~」

我無奈道:「不如我地諗下點樣出返去好...」



「嘭！」






「呼，終於搵到落黎啦！」彪叔從山洞壁既石林中出現:「我行到落山腳先搵到入口咋，你地點呀？」

「彪叔！！！」misa笑道:「好野！可以走啦！」

「我地搵到啦，原來聖..」







「砰！！！」

一顆子彈，瞬間擊中我既左胸，紅色液體馬上四濺

呢一槍，竟然就係彪叔開既



「阿德！！！！！」misa嚇到大叫


「嘿，真係多謝你地啦，幫我搵到聖人遺產喎」彪叔奸笑住，並搶去我手上既聖人遺產


「彪叔..原來你...」misa此刻才驚醒






「依家先諗到？misa你真係好蠢呀，要怪就怪你地冇求證，比張卡片你地就當我係真既IID成員」

「黎接應你地既IID特工，一早已經比我殺死啦」

「我埋你地身既目的，就係想借你地過橋，搵到聖人遺產」



「你..你究竟係邊個呀？！」

「我？」彪叔用槍指住misa:「我只不過一個知道聖人遺產值錢既老野姐，或者你可以叫我做3號」







misa口震震咁問:「你..你..你要殺我呀？」

「唔係，我唔會殺女人」彪叔用手銬鎖住misa:「不過，misa你呢一世都要響呢度過啦，哈哈」


「我..我做鬼都唔放過你呀！！」misa罕有地怒叫


「隨便你啦..」彪叔把玩住手上既聖人遺產:「呢一塊..就係價值100億美金既聖人遺產，嘿嘿」

「我依家就要去將佢賣比迪拉斯公司啦，你地慢慢響度等死啦嘿嘿！」

彪叔吹住口哨，行進石林既出入口







「阿德...阿德！！你醒下啦！你唔可以死架！」

misa不停掙紮，但始終無辦法拉開手銬





「嗯...」我慢慢張開眼起身:「好彩，呢個彪叔冇驗屍姐..」

「阿德...你...點解你冇事既？！」misa眼有淚水問







「頭先果一槍，的確係打中我心口」我拎出一部擋住子彈既andphone:「好彩，呢部野都幾硬下」

misa繼續追問:「咁..！d血呢？！」

「哦...係你頭先塞比我果包茄汁黎架..」我笑道:「唔係d茄汁，彪叔應該都唔信我真係中左槍..發夢都估唔到，misa你會救左我，哈哈」


misa已經泣不成聲:「你..你嚇死人咩！！頭先我真係..以為你死左呀..嗚嗚..」

「邊有咁易死丫..都唔知你喊乜！」我試圖替misa解開手銬:「嘩屌，冇鎖匙都應該開唔返喎」


「咁點算呀？我唔要成世都比手銬銬住呀！」misa大叫

「放心啦，我地仲生勾勾，實有辦法」我問:「misa你部andphone呢？」


「響條褲既尾袋囉，做咩呀？...喂，你做乜摸我patpat呀林保德！」

「你都冇手拎，咁咪我拎囉」我查看misa既andphone


「阿德，你要我部andphone做咩呀？」

「之前我為左想測試跟蹤器既功能，我響坐飛機黎波圖既時候偷偷地響彪叔既袋度放左跟蹤器...有啦，地圖上面果然顯示左佢既位置！」

咁既速度，佢應該係揸緊車

而根據佢頭先既話，佢，係去緊同迪拉斯公司交易！


我撥打andphone上既電話

「218...5個0」

misa問:「你打比邊個呀？」

「發叔...」


「喂發叔，我係阿德」

發叔似乎有點著急:「阿德！我都想搵你地呀，之前接應你地既特工...」

「我地知啦，佢係假冒架嘛..好彩我地兩個都冇事」

「呼！好彩姐...對唔住，係我太失策...」

「我響果個人既身上放左跟蹤器，依家佢似乎揸緊車去同迪拉斯既人交易」

「好，我依家即刻聯絡葡萄牙分部叫佢地準備，咁你地..」

「我地會照追上去，唔係既話就會比佢走甩架啦」

「嗯，萬事小心」



「阿德！咁危險你仲追！？」misa道

「放心啦，我只係跟蹤佢地姐..」我企起身:「岩岩先響死門關出返黎，我點會去送死呀...」


「阿德..你唔可以死架...」misa忽然含情默默咁望住我

「嗯？做乜無啦啦咁關心我呀？」

「無..無野呀...」


我同misa行出山洞

而彪叔既GPS亦去到波圖市中心


「咪住先，我地冇車喎...」misa鼓起嘴:「唔係要由呢度行返去下話」

的而且確，呢度同波圖相差幾十多公里，行路去既話根本趕唔切



「hi！！！係咪要順風車呀？」

一把既嬌嗲又熟悉既聲音響背後響起

係美雪，佢正駕駛住一架爬山車



「哼，又係呢個女人..」misa細聲道


「美雪！？」我又驚又喜:「點解你會響度既？」


「嘻嘻，我尋晚同你地打緊果陣，已經響呢個女人身上裝左偷聽器啦」美雪伸出舌頭:「我已經知道，果樣叫聖人遺產既野，原來係塊電腦底板啦」

「仲講，咁快d送我地去啦」我道


「酬金...我要分三份一」美雪微笑道

「三份一！？車我地出去市中心就收成六千萬！？你個八婆駛唔駛咁大貪呀！」misa怒道

「呵呵，咁你地咪行返出去囉」美雪得意洋洋道


「好啦，三份一就三份一」

比彪叔走甩既話，到時盞我地兩個都收唔到錢

與其係咁，倒不如比錢美雪送我地出去


「喂呀阿德，成六千萬喎...」misa非常肉緊

「得啦，我用我果份分比美雪咪得囉」

一講完呢句，misa既態度馬上轉變:「哼，算你啦」


「嘻，阿德你真係醒目啦，咁我地行啦」