【英雄系列4】神盜俠侶: 17

17.

「嗖！！！」

美雪既駕駛技術尚算不錯，好快就駛進市中心


「等等...彪叔佢停左響Matoshinhos碼頭度呀..」我道:「美雪，我地都去啦！」

「收~到~~」美雪微笑道






「喂阿德，有冇方法整走個手銬呀？好唔舒服呀..」misa不停扯住手銬

我尋找坐位後面既雜物，終於比我搵到把大剪鋏


「砰」我使力將鎖住misa既手銬剪開

「呼..舒服哂！」misa扁住嘴:「不過都冇理由成世戴住佢架，點都要解開佢架喎..」





我:「咁Q麻煩架...你一陣搵IID d人幫你囉..」


我用andphone將彪叔既GPS位置發送比發叔

發叔亦回覆:「好，葡萄牙既IID成員亦已經出發，你地要小心」








我地慢慢行到碼頭附近，並偷偷監視住彪叔

碼頭泛無一人，只係得彪叔一個

佢正企響碼頭既角頭，似乎正等住迪拉斯公司既人


不久後，幾架黑色貨van駛過黎

十多個黑西裝友行出車外，個個都非常高大，眼戴黑超


佢地既帶頭人同彪叔講左幾句野





就打開一個大喼，裡面全部都係一疊疊美金


「嘩！好多錢呀！」美雪驚歎道

睇黎佢地應該諗住交易


而彪叔亦於口袋中拎出聖人遺產

對方點一點頭，並與彪叔握一個手


「快d啦發叔..佢地就黎交易完架啦..」我心知不妙







正當彪叔接過現鈔，準備遞上聖人遺產之際

「砰砰砰砰！！！！」

突如其來既槍聲，將後面幾個西裝友射倒





「係IID！佢地終於到啦！」

三十幾個著住IID字眼背心既特工已經趕到，包圍住彪叔及迪拉斯既人馬






彪叔見狀，馬上取出手槍

「砰！砰！」擊中兩個特工後，隨即帶住現鈔同聖人遺產突破包圍，跑出碼頭


「追呀！！！」

我馬上跑往碼頭追住彪叔

「阿德！！唔好呀」misa同美雪亦緊隨其後








「彪叔！！！企響度！！！！」

我舉住手槍，對住彪叔


彪叔慢慢轉頭，冷笑一聲:「嘿，睇黎班IID都係你叫架啦，阿德..」

「仲有..彪叔只不過係假名，難為你仲會叫我呢個名，哈哈！」



misa道「你快d交返聖人遺產出黎呀！！」


「哼，你覺得我會咁易交出黎咩？」

彪叔右手準備伸入口袋



「阿德！佢想拎槍呀！！」美雪大叫

我本能反應下馬上取出手槍，拉下板機


「砰！！！」

子彈打中彪叔既右手，手槍亦甩到海中


彪叔痛叫一聲，我亦衝過去準備搶去佢左手上既聖人遺產

「可惡！」彪叔以一記直擊打向我既上軸


幸好小學學過空手道，我先移後避開，再以飛腿將聖人遺產踢走

「misa！！快d執走佢！！！」


「我得唔到，你地都唔好諗住拎到！！！」

彪叔取出一顆手榴彈，拉開保險絲，拋向misa跟聖人遺產處


misa響地下執到聖人遺產

但手榴彈已經距離佢只有6尺既距離


我..要保護misa！


「misa！！！！」我衝過去，將misa撲低







砰！！！！！！！！！！！

爆炸聲一響，我眼前一黑







我..死左嗱？






「阿..阿德..你做咩呀..唔好訓呀..」


「阿德！！！！你醒下啦！唔好嚇我呀」


「阿德，我唔准你訓呀！！！快D醒呀！！！」



係misa..？佢一直響度叫緊我



「阿德！阿德！你唔可以死架！！我...我..」


「我鐘意你！你要做我男朋友架！！！」




「唔....」

我慢慢張開眼:「好攰...」


響我眼前既係喊到豬頭既misa


「做..做咩喊成咁呀...」


misa二話不說將我擁入懷裡

「阿德...好彩..好彩你無事咋..我頭先真係好驚你會死呀..」

我捽捽眼:「我頭先好似...聽到你話咩要我做你男朋友...」


misa馬上臉紅

「你...你聽錯咋..邊.邊有呀..」misa鼓起嘴道:「不過..如果你想既話，我都可以考慮下既..」




「係喎，彪叔呢？」

misa望住碼頭旁，被IID特工帶上車既彪叔:「佢已經比IID特工制服左啦...」


美雪興奮地彈到我地旁邊:「阿德，六千萬！六千萬！」

「知啦...收到錢比你啦」


咁樣...今次既任務總算完成啦