【英雄系列4】神盜俠侶: 18

18.

五個月後


「婆婆！！我地黎探你啦！！」

「係美莎你呀，仲有阿德喎」

「嗯...婆婆早晨！！」






果件事之後，我同misa各收到一億既酬金，我就分左六千萬比美雪



返黎香港後，misa為婆婆搵過一間更好既療養院

設備比以前果間更好






「美莎，阿德對你好唔好呀？」婆婆問

「當然好啦，前幾個月仲帶左我去旅行tim呀」misa為婆婆切橙

「嗯..我就放心將美莎交比你啦」


「吓...交..交比我？！」我驚左一跳





misa笑道:「咩呀婆婆，我同阿德仲係拍緊拖咋..要拉埋天窗都係幾年之後既事啦！」

「我老啦，我想快d睇到你結婚嘛！」



離開療養院後

「喂阿德，既然婆婆都開到聲，不如我地下年結婚囉！」misa忽然咁講


我嚇到差d吐血:「唔係掛，我同你拍左拖幾個月咋喎..了解下先啦！」

「仲了解咩喎！我地經歷左咁多野，咩都了解哂啦！」misa嘻嘻笑:「今晚去你屋企食飯我就同世伯伯母講先！」





「你唔好呀你..」


講到呢度，響我面前出現左一個熟悉既容貌

係三個月前累我無得升職兼食死貓既Jimmy，佢正拎住幾個紙皮箱


「喂，佢就係當初累我食死貓果條撚樣啦」我細細聲咁講:「睇佢個款好似比人炒左咁喎」

「抵啦..不過冇佢既話，你都識唔到我呢個靚女啦」misa奸笑住

咁又係既..冇佢我都唔會收到四千萬






我同misa扮住恩愛，囂張地跟Jimmy擦身而過

眼尾仲見到Jimmy既葡萄眼神，抵丫！




「世伯伯母小藍，我同阿德諗住下年結婚啦」

響我為老豆老母買既新私樓度食緊飯既時候，misa無啦啦咁講

「喂你...」


老豆老母竟拍手叫好:「好呀！！估唔到咁快就有得飲杯新抱茶！！阿德你係有d料喎，咁快就求到婚！」





「唉我...」

小藍笑道:「咁misa你以後咪係我表嫂囉？！」

「嗯係呀！」

唉，我冇眼睇啦，無啦啦比misa逼婚




響返到我同misa同住既海怡半島後

「屌你..你真係諗住結婚架？」我問





「緊係啦，依家通哂天啦，你無得反口啦」misa對我做鬼臉


我無奈地攤上床:「唉，估唔到咁快就要做老襯」

misa識趣地跳上床挨住我:「唔好咁啦阿德，睇你份人都識唔到其他女仔架啦，依家有我呢個靚女做你老婆，你執到啦！」

「執到？我依家就執你一劑呀！！」我笑住將misa壓落床，除走佢既上衣

misa亦笑住大叫:「做咩呀哈哈，唔好呀！！咪玩啦！！！救命呀強姦呀！！！」



經過昨晚既幾場大戰後，我同misa今朝都訓到昏迷咁濟

「阿德，早晨呀」剛剛訓醒既misa跟我對視

「嗯..早晨」


「阿德你尋晚好渣架！」misa恥笑道

「咁都叫渣？幾劑啦喎！你試下丫！」

「哇！你個口好臭呀！」misa將我踢出被窩:「快d去刷牙啦！！！」

「屌..得啦！」






「叮噹！叮噹！叮噹！」


「咁早有人禁鐘既...」我道

misa串嘴道:「我聽唔到咩！快d去開門啦！」



「咔」

響我面前既，係一個年輕長直髮少女，著住行政人員西服，臉上目無表情


著返好衫既misa亦行黎門前:「你係...？」


「請問你地兩位係林保德、衛美莎嗎？」少女問

「嗯...做咩呀？」


「我叫凌愛瞳，係隸於IID秘密軍隊Archangel....請你地兩位跟我返去」