有啲野唔係㩒control+z就可以返到轉頭: 第十三章 - 酒吧

新郎新娘和三個姊妹，
在酒店大堂圍著一大堆雜物。

這時，敏安已換上簡便的連身裙，
默默地跪在地上收拾東西。


「喂！」我笑著跟大家打了個招呼。

「喂你終於返黎啦咩！」姊妹阿儀高興地道


「好多野都係你準備既，我地都唔知點處理好呀！」

我瞄一瞄那堆東西，
明明是誰都會處理的簡單事宜，
只是嫌麻煩而已。

「OK！交俾我啦，你地走先！」我微笑道：
「好心你地一早call 我，咪鬼阻住人地洞房啦！」

Jason聽到「洞房」二字，


興奮地拍拍我肩膀，
示意「都係你醒目」。

新娘子敏安抬起頭瞟我一眼，
微微一笑。

 
 
十分鐘後，就剩下我一個人。
 


 

我逐點把東西搬離酒店，
想著敏安剛剛那一眼。

她今天說了那些話後，
我再裝作自然、幽默，
是否有點不恰當？

是不是太做作了？

她那一眼，饒有深意的，
到底代表什麼？

女人心，真的好難懂。


 
 
驀然，我想起一次，
我一直不懂的那一次，
今天總算懂了。

----------

「阿慢，今晚有咩做？」敏安一下班忽然就打過來。

「冇呀，做咩？」我問。

「今晚同我去飲杯野好唔好？」她問道。

「好。」本來我想問說，要不要也帶信寧來，


但她既然不提，大概也不用問了。

 
 
「寧，我今晚唔返黎食飯呀。」我打給信寧。

「哦，咁唔好咁夜返啦！」信寧從不干涉我跟誰出去。

 
 
在酒吧裡，我們只是聊著生活鎖事。

約我來的目的，卻遲遲未提到。

我心抱著順其自然的心態等她講。


 
 
 

喝了一會，她也只是悶悶地不停喝酒。

我本想阻止她，但她平日也總是太規矩了，
也許，也需要些任性的時候。

於是，我慢慢地喝著啤酒，
讓她醉 。

那是我在酒吧渡過最無聊的一晚。

 


 
鈴！

上司打電話來給我，
我一邊咒罵著，一邊走出外面接電話。

「OKOK，我聽朝返黎搞掂佢。」
我唯唯諾諾應著他。

「聽朝？！OK，但我聽朝九點就要收到。」
他說。

「好。」我反著白眼應道。

 
 
 待我走回酒吧，一個女服務生卻來把我攔著。

「先生，唔好意思，你最好唔好入黎啦。」
她掛著禮貌的笑容。

「下，點解？」我奇問。

「你位朋友向我地強烈要求，話唔想見到你。」
她答。

「我諗你搞錯左，我唔係搭訕個啲人，
我同佢本身就識，今日都係佢叫我出黎架。」我微笑著解釋。

「哩方面我地係知道既，我地都睇住你地一齊入黎。
只不過，哩位小姐好清楚咁表達左佢既意願，
佢唔想見到你。」她依舊保持著笑容。

「荒謬！」我暗想：「唔通佢地有咩企圖？！」

「我唔知點解佢會咁講，更加唔知點解你會幫佢阻止我入去，
我淨係知我朋友飲大左，一個人好危險，而你冇權阻住我入去！」我語氣變得強硬。

「而家，立刻，借過！」我斬釘截鐵地道。

她微微遲疑，我把她伸出的手撥開，
便衝入酒吧。


只見她好端端地伏在那邊，
四周的人看著我的目光卻非常怪異。

-----------------------------------------------------

在下FB： https://www.facebook.com/ngduckngduck/