真係好難得佢會一粒聲都無,由頭先到而家我諗已經DEAR AIR 左十五分鐘,所以我是但接返頭先個主題問佢:「咁你間屋之後未要裝修囉?」

我咁問後,佢又嘆左口氣:「係啊,但佢地唔想大搞WO。」

「姐係點?」我又問。

佢停左玩果舊野,然後講:「姐係話,佢地唔想郁屋企個格局,但又想多間房出嚟。」

「咁姐係點?」老人家腦轉數係慢D。





「佢地想我去住老人院,要我讓間房出嚟。」佢雖然用好平靜嘅語氣講,但係睇得出佢好心淡。

聽到呢個答案後,我都唔知點接落去,但福伯就好似開著左個制咁,不停講:「無計啦,邊個叫我地窮等人家,住得個幾百呎嘅樓,根本都唔夠住,人老就係阻住晒D地方,我都係疊埋心水搵間老人院好過啦。」

聽到佢咁講,我仲無聲出。

事問我地呢D老人家,又邊個真係想入住老人院,因為老人院比我地嘅感覺,就係一D無左家庭溫暖嘅人先會入住嘅地方。

我地有邊個唔想同仔仔女女一齊住先得架,但係為左生活,仲要係一個咁講求物質生活嘅香港,我地呢D老人家唯有咁樣選擇。





但係香港寸金尺土,好難會係市區搵到一個理想嘅老人院。有D錢嘅,可能會係貴嘅地段搵,就好似九龍塘果D地區。但係無錢嘅,就只可以係類似深水埗呢D有好多舊唐樓嘅地區搵。

你可能會問,點解唔入新界入面果D,環境又會好D,空氣又清新D。無它嘅,因為間老人院愈近市區,就代表你D仔仔女女愈容易入嚟睇你。好多老人家,又話者佢地嘅家人都係呢一種心態,所以市區D老人院嘅位都長期爆滿,有時唔係話你想住就有得住,仲可能要派隊添。

大陸果D?咁未仲遠,都係果句,有邊個老人家唔想D仔仔女女可以方便D成日探自己。好話唔好聽,有時真係兩腳一伸,見最後一面果程車都用短D時間啦。
已有 0 人追稿