[年齡無界限] 就係咁，我最近出席好多喪禮: ２６　細路祥

行左唔係好遠嘅路，我同蔡老闆嚟到一個夜冷店，見到已經有好多人係一堆凌亂嘅雜物當中搵緊自己嘅心頭好。

「好多人下ｗｏ呢度。」我望住水泄不講嘅人群話。

「係啊，晚晚都有好多人嚟呢度睇下會唔會執到好野架。」蔡老闆話，然後遠方有個人向我地呢到叫左一聲：「蔡叔！」係一個後生仔嚟，蔡老闆一見到呢位後生仔就四萬咁嘅口回應佢：「細路祥！」呢個回應好好中氣。

而我就問蔡老闆：「呢個後生仔係邊個嚟架？」

蔡老闆笑住咁話：「呢個後生你一定要識，過嚟我介紹你識。」





同蔡老闆行到個後生仔面前果陣，個後生仔就先講：「今日有好多紙皮留左比你啊，不過你一個人拎唔拎到架？」

「更係拎到啦，唔好睇少我先得架。」蔡老闆話，然後就再介紹我：「細路祥，呢個人你一定要識，快ｄ叫輝叔。」

個後生聽到後就即刻好恭敬同我講：「輝叔。」

「叔咩野呢，都咁老，叫我輝爺啦。」我話，然後問蔡老闆：「呢個後生係？」

「佢係阿然個仔細路祥啊！」聽到蔡老闆咁講後，我都好驚訝話：「阿然個仔！？咁後生？」





細路祥聽到我咁講後，就笑住話：「我阿爸老來得子，所以我未後生囉。」

聽到佢咁講後，我地三個都大笑左起嚟。

「係呢，你阿爸今日無落嚟嘅？」蔡老闆問。

「阿爸佢有ｄ野忙緊，不過過多陣就會嚟，你地等唔等佢？」細路祥問。

「等！緊係等啦！」我爭住答佢：「我好多年都無見過佢拿。」





「咁阿爸見到你一定好開心。」細路祥答。

呢個細路祥嘅言行舉止，睇得出佢係一個好有禮同好生性嘅人，唔知點解望住佢，我諗起我個仔，成三十幾歲人都成事不足敗事有餘，如果有細路祥一半咁生性就好。