聽到小段講左《Me before you》呢套野後,我就上網GOOGLE呢套野嘅資料,係啊,希望大家仲記得我呢個老人家識得用GOOGLE啦。

一搵到後,老實講,吸引到我嘅係比電影海報入面個女人。

咁好正常姐,我係一個男人,緊係睇女人啦,唔通GAY TEST睇仔咩。

當然個女仔又唔係話好正,我意思係海報影出黎,唔係話本,但係佢果個天使般嘅笑容,真係好吸引到我嘅目光。

再睇一睇套戲嘅內容,就同小段所講嘅一樣,呢套戲,係講安樂死,人面主角因為意外後下半身癱左,佢同屋企人講希望可以願成佢最後心願,比佢安樂死,而後來佢所請返黎照顧佢嘅女主角知道件事後,就想扭住佢呢個決家。





咁當然最後係扭轉唔到啦。

睇完呢套戲,諗起上次見到志威個女,一開口就問志威係未真係要去,睇黎佢都想左好多方法希望佢阿爸改變決定。

但最後都係無可能。

拎住要送比志威嘅金牌,諗起電影最後果一幕,男望角係間小屋入面,訓係床度,女主角最後都有去見佢最後一面,而當中佢地有幾句對白,係男主角要求女主角望住佢,但係女主角答佢唔可以,佢做唔到……

唔知到志威死果一刻,我可唔可以直視住佢?





其實,呢個想法未到我諗,最應該諗嘅人,係小慧?

突然間,電話響左聲,係小段嘅MSG。

小段:已經同佢地講左話你都會出席珍妮契老豆嘅喪禮。
我:無問題
小段:住宿方面應該唔駛你出錢
小段:但係機票果方面就可能要你自己比錢
我:無問題
小段:咁我一陣比個日期你




小段:你睇下你想買邊日
小段:如果你唔知點買,我可以幫你
我:我出過國,買票呢D野我都識嘅
我:如果買唔到再找你

等左陣,小段SD左個日期比我,我望一望呢個日期,同而家相差,仲有兩個星期。
已有 0 人追稿