[年齡無界限] 就係咁，我最近出席好多喪禮: ７４　金牌

去到志威所住嘅地方，果度，係一個機構嘅所在地附近嘅一個旅店，小段話租呢度，係方面處理手續，因為而家志威所住嘅地方，並唔係志威死嘅地方。

珍妮一到步就好雀躍咁大叫：「我地返黎拿。」然後，就直奔左入旅台。

而我同小段則係後面拎住行李望住咁樣嘅珍妮笑左下。

「唔好睇珍妮佢而家咁開心，其實佢晚晚都有喊。」小段同我講。

而我點一點頭回應佢：「我知道，睇佢雙眼紅晒，都估到Ｄ。」





「嗯。」小段回應：「珍妮話佢知道佢契老豆係最後一段路，一定唔想睇到佢愁眉苦面。」

愁眉苦面？

「咁小慧同蕎兒呢？」我問。

「佢地，應該同珍妮嘅諗法一樣。」小後回答。

入到志威嘅房間，志威一見到我就話：「你……咁慢……架……」





我笑左下，然後行到佢面前，「有Ｄ野一定要拎，所以遲左。」係志威旁邊嘅，仲有小慧同蕎兒。

而珍妮，佢企左係志威後面問：「係咩野咁重要，一定要遲到呢？」睇黎我嘅遲到，珍妮一定有排講。

我係行李到搵左搵，後左塊獎牌出黎，「志威，記唔記得呢塊牌？」

志威望一望塊牌就話：「當年……水……運……」「係啊，當年水運會我拎到嘅全場總冠軍。」我話：「但係我知道，當日我係你不在狀態下，先可以得到呢塊金牌，如果唔係咁，一定會係你拎。」

志威聽到我咁講後，笑左一笑話：「傻……啦……你果……果日……好……好好……」嘅





我將金牌放到志威嘅手上，「呢個金牌，而家係你架拿。」

志威聽到我咁講後，驚訝咁望住我話：「傻……啦……點可……以……」

「我識你咁多年，有咩好計，金牌呢Ｄ野，係一個留念姐，當年我意氣用事，令到我地友誼到幾十年後先可以再繼續，時間係就係短Ｄ，所以而家就比塊牌你，你要記住，下一世，我地都仲係要做好朋友。」我講完後，志威望住我，一路喊，一喊笑話：「下……下一世……仲有……一件……件事……」

「咩野事？」我問佢，不過志威就扮晒神秘話：「遲……Ｄ……就……知……」