[年齡無界限] 就係咁，我最近出席好多喪禮: １４２　好多個煙盒

睇黎個員工無講大話，因為到最後搵晒成間報館都搵唔到天語，珍妮當然發晒癲不停話：「天語妳係未有心唔比我知道我阿爸阿媽嘅野！！！」

但我覺得，天語係又令一件事先唔見左人。

最後，珍妮擾攘著三個鐘後，我同小段一切拉佢出黎先叫完左今次珍妮嘅暴走。

「你地做咩野拉走我啊！」睇黎珍妮嘅怒火好難先熄滅。

不過我地都明白佢而家嘅心情，佢搵左父母咁耐，突然間知道有一個機會可以搵返佢地，但係呢個機會好似放左係眼前但又突然間唔見左。





呢一種感覺，比著我都可能會係咁。

雖然我地係報館搵唔到天語，但係我地問左佢Ｄ同事拎左佢嘅地址……唔知係未所有記者都係咁呢，問佢地要Ｄ情報，個個都要比Ｄ錢佢地先得。

當然啦，我仍然覺得呢個香港仲有為左探求真相嘅記者。

「妳冷靜Ｄ先啦，我地頭先都拎左天語嘅地址……嗚……」無錯，想喊咁果個人係小段，點解佢想喊，緊係因為頭先出錢買天語地址果個人係佢啦。

我地跟住呢個地址去到一個屋苑入面，其實呢個屋苑無咩特別，但唔知點解總係有一種被人監視緊嘅感覺。





由踏入屋苑到天語所住嘅地方都有十分鐘，而呢一種感覺就保持到去到呢一度就消失。

「輝爺！快Ｄ啦！」已經入左升降機嘅珍妮，同企左係度觀察緊嘅我話。

「……黎……黎拿。」我頭先企左係度觀察，係因為我發現一路上好多地方都放滿左煙盒。

醒起果陣銅ＳＩＲ比我地嘅煙盒……

醒起果陣天語叫小段唔好比個煙盒銅ＳＩＲ……





唔知我眼見果Ｄ煙盒係未真係煙盒呢？

去到天語所住嘅單位，發現……「點解無鎖門嘅？」珍妮推開無關嘅門，「細路祥！？」佢一聲驚呼，然後我同小段探頭一望，見到細路祥訓左係地上面……