[年齡無界限] 就係咁，我最近出席好多喪禮: １４３　ＣＣＴＶｓ

珍妮因為成日諗Ｄ奇怪方法去搵自己父母，所以成日出入醫院同殯儀館。

小段就更加因為生意，成日出入醫院同殯儀館。

但係……我呢……點解我呢排都係咁，唔通群埋邊班人，就會被同化？

我地見到細路祥訓左係天語屋企嘅地上面，佢個頭仲有少少血流緊出黎，見到呢個情況，我地當然第一時間報警，仲有嘅係通知阿然。

係急症室，阿然等得好心急，而我地發現嘅幾個就錄緊口供，去到差唔多，小段舅父到左，「舅父，到底發生咩野事？」小段一見到佢舅父黎到，就上前問。





但係銅ＳＩＲ只係向小段搖一搖手，示意佢唔好問，然後走到佢班伙計到傾左幾句後，班警察就行開左。

「你地三個過一過黎，有Ｄ野要同你地講。」銅ＳＩＲ話。

搞咩野咁神秘呢？

去到醫院嘅後樓梯，銅ＳＩＲ好凝重咁問我地：「你地點解會係果個地方出現？」

「咩野地方？」我好奇問。





「你知唔知果個地方係某個有錢佬出錢開嘅情報中心啊。」銅ＳＩＲ話，然後佢打開佢部手機，開左幾張相出黎，「果層樓有幾個單位都係咁嘅佈居，點解你地會係果度。」

我地望住銅ＳＩＲ部電話，見到事發嘅單位其中一間房有好多ＣＣＴＶ，而果Ｄ　ＣＣＴＶ影住好多唔同嘅地方。

而小段放大左張相後，我見到其中一個ＣＣＴＶ閃過左我個單位嘅境像，「……點解會有我屋企？」

「呢個可能就係之前要搶你報告果個有錢佬嘅情報中心。」銅ＳＩＲ嘅說話，我地驚訝起黎。

「但係呢度係天語所住嘅地方ＷＯ，咁姐係！？」珍妮講到呢度就無講落去。





可能……或者……天語之前想接近我，係想拎我份報告比個有錢佬。

銅ＳＩＲ繼續話：「我地發現左呢個單位後，就起晒同一層樓所有類似嘅單位，但情況都差唔多，搵到後單位入面已經無晒人，而且所有影像紀錄都比人拎走左。」

雖然銅ＳＩＲ講左Ｄ單位係用黎做咩，但係我腦入面都係充斥住幾個問題。

天語究竟係咩野人？

細路祥點解會訓係天語屋企？

而最後一個問題，正正係銅ＳＩＲ題出嘅問題：「究竟係邊班人做嘅呢？」

連差人都唔知道嘅話，我地呢Ｄ小市民又點會知道。