短期租約: 第十五章：絕望・真相

你相信臨到生命終結時會回想一生後悔的事嗎？我原意並不是打算輕生，我只是打算集中地回顧過去，思考未來，可惜我太累了，睡到上病床了。

Tiffany一直在我身旁，挽著我的手，猶如在機動遊戲上，不肯放手。

「阿奇，你做咩要做啲咁傻既野呀？」

我真的不是要輕生，只是有些事情想不通，Tiffany一邊說，淚水一滴一滴落在我的臉上。

「Tiffany，你⋯有一秒⋯愛過⋯我⋯嗎？」



我脫去氧氣罩，吐每一隻字都用上很大的力氣。

「我⋯根本⋯襯你唔起⋯你明唔明 ？」

這個小女孩快要把眼淚流乾了。
 
「如果你知道我既身世，你可能就唔會再愛我嫁啦，你知嗎 ？」
「我身體好污糟。」

她快要哭崩了，



「我比人包呀，我係二奶嚟嫁 ！」
  
我的心雖然很疼，我亦很憤怒，我亦很傷心，我不知道自己有沒有這種胸襟去接受Tiffany，但看見一位自己所愛的女生在自己面前哭不成聲，我只可輕輕摸摸她的頭，說一聲，

「冇問題嫁，傻妹，唔好喊啦。」

我心裡一點也不好受，再大方的男生亦會介意自己女友有這樣的過去，我怎會例外。
 
「當時我岩岩入到依家間公司，我由一開始就比佢揀中左，佢對我不斷追求，月薪又比其他人高，我覺得⋯佢真係對我好好嫁。一直我都覺得冇咩問題，直到依幾個月，我開始係到諗，假如我將來個老公又係咁，我會有咩感受，我覺得自己⋯好污髒呀，依家我除左同佢係上司下屬既關係，我唔想再同佢有咩關係，我冇再比佢將我蹂躪，我打算依個月之後轉去Edward到，再者⋯我依家遇上左你，我心入面一直知道你好錫我嫁。」


「一直以嚟我都唔敢同任何人發生關係，我驚佢地知道我過去會介意，我諗你而家都有卻步，係咪？」
「所以我先唔敢講，我驚我地冇得好似以前咁親。」
「 我其實只係想要一個傾聽我既人，一個哄我既人，一個愛我唔介意我身世既人，我淨係要求咁多嫁咋。」

我的確沒想過我將來的女友會是個給一個奇醜無比的男人在過去不斷地踐踏，知道了這件事之後我的思緒很混亂，我不清楚我愛下去我結果會怎樣。

Tiffany打算離開，我捉緊她手臂，

「唔好走好嗎？」

為何我所關心的女生都被男人蹉跎？