同蓮姨講左我會搵佢之後 我立即坐車番去屋企
係小巴上面,我嘗試整理下之前發生既事
如果係因為蝴蝶效應,新舊file共存既話,到底又會有咩變化呢
個uncle莫非就係個中年漢?...
不過如今蓮姨番左黎,起碼令我可以鎮定d先
呢部"歷史控制器"真係十足十果d咩三國志威力加強版,只要用鍵盤就控制天下
假如當日我del既唔係0406一個file,而係成個1927.4.12 既file,咁世界又會變成點?
一直唔信相歷史會改變既我,心中有d動搖
我諗真係冇乜人能夠一時間適應到咁多不合常理既變化






轉念之間,小巴已經到左我樓下
蓮姨撓住一個男人隻手都番緊屋企
「蓮姨!」
蓮姨同個男人都同時望過黎
個男人又係熟口熟面,我認人既技術真係差
「噢! 爛口醉佬中年麻甩佬!」我用手指指住個男人
但點解呢個麻甩佬咁唔麻甩既? 剃哂鬍仲要幾分吳鎮宇feel,成個大明星咁
「你講咩呀」蓮姨面對我突如奇來既一句說話,用黑面回應我
不過我d急才唔惹少啦梗係




「唔係呀,近排睇緊一套電影呢,有個荷里活既明星做醉酒佬,好似uncle」
我咁口甜舌滑,三兩下手勢就將佢地tum番掂
陪佢地番番上樓既時候,我見到佢地同時入去隔離屋
我開口問「蓮姨去你屋企坐下好唔好」


入到屋裏面,個裝潢同之前又唔同左
大廳一邊掛住張蓮姨同中年佬既結婚相
我多口問句「蓮姨同uncle 結左幾多年婚話? 咁多年仲咁恩愛」
個中年佬行埋黎話「快夠七年喇,咁你又搵到拖拍未呀街市仔」




屌你老母丫,同你三唔識七,講d野咁deep咁中我核心,
唔好忘記你只係一個假人,係唔存在嫁,仲咁得戚
不過係呢刻我反思
其實會唔會依家呢個歷史先係最好? 蓮姨又搵到佢既另一半,而個中年佬又咁斯文,睇落唔似壞人。


食過晚飯之後,我啟程去肥康屋企
唔知幾時開始,肥康間屋已經變左基地
去到既時候,見到一個大約二十歲男人同肥康一齊
「hi我係街市仔,你就係呀力?肥康成日提起你」
呀力有高登仔既標準,180cm,笑起上黎仲好撚陽光,正宗溝死女
拍埋佢果度,真係自慚形穢
「我係大隻康果度了解哂你地既事,單野好有趣,好似追緊科幻故」呀力露出佢招牌笑容
「你真係相信?」我有d懷疑佢既接受能力
「睇到你地d file,加埋大隻康咁認真既樣,可信性起碼8成。」






過左一陣,光頭miki都黎左肥康屋企
但佢唔係光頭,仲有一把好長既頭髮
望到咁樣既miki好唔習慣 
不過又見佢用好可愛既姿勢撥弄佢既秀髮,真係一眼認出
「你地好呀,件事我都聽呀康講哂,乜原來我個樣唔係咁既咩?嘻嘻」仲單左一下眼
呢個一定唔係miki,呢個miki扮cutie既能力又高左百鳩幾倍
我地四個分別搵左自己覺得最舒服既地方坐低


呀力率先打破沉默
「我想先播一播果條片...」
肥康好快手將條片係螢幕果度播放
畫面不斷既閃爍




映入眼球可以話又係同一段片,但今次有另一種衝擊感
因為坐係度果個女人係之前miki個樣
我同肥康都怔左一怔
「點解....會咁...」
呀力好似預左我地會有咁既反應
佢繼續講
「我仲留意到一樣野,據肥康所言,原本個神秘file叫做"lapallo 113210"
但依家你睇睇...」呀力用手指指向螢幕 
"lapallo 113212"
「唔知你地諗到d咩呢?」呀力例牌笑容
肥康好快搶答
「我地改變左歷史兩次,而個數字應該就代表改變歷史既次數」
呀力露出好滿意既表情
「咁呢個世界既歷史咪改變過十鳩幾萬次,係我未用呢隻hdd之前就已經有十鳩幾萬個人用過?」
「未必,呢度有幾個可能性




一, 正如你所講,歷史真係改變過十一萬幾次
二, 個數字可能原本係113000 又可以100000開始,所以可能只係好少人改過歷史
三, 本身歷史自我會調節,世界本身會不斷變化,走最好既路...」


呀力思維跳得好快,我都差d跟唔上
歷史本身有自我既意識?佢會不斷改變?
即係今日既記憶唔等同明日既記憶
咁到底咩係歷史?咩係記憶?..


呀力頓左一頓 望左我地三個一眼
「依d都係初步既了解...好多野都未確實,有待做一做實驗
另一方面,岩岩我叫大隻康再試下撞密碼,果然多左幾個file解到密」
「下,唔係只係話解到一個咋咩,點解依家又多左幾個?」我心臟真係唔襟嚇




「你有所不知,依家file已經增長到30,000TB,興幸既係,佢增長速度有放緩既跡象
我就係度諗,會唔會歷史既檔案會慢慢咁load出黎,而唔會一次過爆哂出黎
始終電腦都係人造出黎既野,係歷史洪流面前我地既發明真係弱得可憐」


冇出聲好耐既miki忽然爆左一句野出黎
「如果呢個檔案係世界上唔止一個,又或者佢地已經知道我地有呢件工具
我地處境會唔會好危險?」
我同肥康不自覺咁打左個冷震
呀力好快就回應
「其實唔會,如果佢可以消滅我地,一早已經改data收拾左我地
我地根本唔會出現係度。
又或者?佢根本搞掂唔到我地」
「此話何解?」我大惑不解地問
「就好似有d檔案佢未破解到...甚至,歷史有d野係不能改變...」呀力突然收細把聲
歷史有野改變唔到?
「如果歷史有意識,佢可能會加限制落某d大事件上面,而呢個檔案任何人都無法改變
抑或將佢隱藏左,擁有呢個檔案既人閱讀資料既權限未夠又得」呀力滔滔不絕咁解釋


成件事比呀力講一講,所有野都唔同哂
一d我地從無諗過既危機,甚至係咩歷史既本身意識
等等全部野都用左另一個角度黎睇


呢個時候,我手機又震左震
「hello,做緊咩?」女神suki竟然係呢個時候搵我
咁既氣氛覆唔覆佢好呢?
「我地休息下先,等我整理下思緒」呀力比左個下台階我
雖然"歷史控制器"好重要,但溝女一樣重要
「冇咩呀,諗緊d歷史野姐」
呢招我跟高登仔"溝女專家"學嫁,話要忍女仔注意就要製造話題
「乜野歷史野先,哈哈」成功上釣!
「之前咪話過禁下制就改變歷史既,你有冇興趣想聽?」我緊接住個話題
點知呀力係呢個時候拍我膊頭,嚇到我尿都標埋
「女仔黎呀?」
「係呀,之前研究段片有關藏學既問題時候,我都成日請教佢既」
見到呀力陰陰嘴笑,唔知點解有d驚既感覺
「不如叫埋佢上黎啦,人多好辦事」呀力大膽提議
「一個好女仔夜媽媽,點會半夜三更出黎,仲要係工廠,話唔定比人熔左都唔知啦
況且我又唔係同佢好熟」我誓死捍衛女神既貞操
「你未試過又點知佢唔肯呢,人多好辦事嘛,有關段片既問題我都想問問佢」呀力追迫
唉好啦,反正女神一定唔肯
「不如出黎傾丫?我係xx工廠等你,我同緊朋友傾緊呢單野」
死喇女神實以為我係大淫魔,我英名不保喇
殊不知得到既答覆唔係我所想
「好呀,我依家出門口丫!」
「喇!都話佢肯黎嫁啦」呀力拍一拍我膊頭


冇幾耐,suki就黎到
「喎,真識食」肥康係背後好細聲咁講
suki把聲真係好聽
「大家好呀,我叫suki,係咪開緊歷史party會呀?」
「係呀,有d地方呢,我想請教下你,有段片有關古藏文,我想同你細細分析其中」
呀力佢露出佢既迷人電眼,
冇喇冇喇,suki佢比呀力食硬
我只好冷冷地坐埋一邊,睇住呀力同suki係螢幕前傾到興高彩烈...