電腦無啦啦多左d唔知咩既檔案係度(上): 第二十四節

我同呀力好快就離開左學校，坐上地鐵直指黃大仙
係坐地鐵既途中我地都非常緊張
事關我地都唔知一陣落黎會遇到d乜野，係萬不得已既情況下面，如果能夠順利制伏到呀樂當然係最好，起碼等佢玩唔到”歷史控制器”，咁呢個亦未尚唔係一個最好既辦法，之後將佢軟禁毒打問話已經係後事，最緊要都係suki無事
當我越諗越遠既時候，耳機傳黎肥康既聲音
「啊…喂?呀力同街市仔聽唔聽到?」肥康把聲有d震
「喂，咩事呀大隻康」呀力立即拎起電話扮講電話
「頭先你叫我查下歷史有咩改變既，我頭先查下地圖，發現左一樣好得人驚既改變」
「係!有咩改變呢」呀力既眼神銳利左好多
「最明顯係我見到歐洲果邊有幾個國家比俄羅斯吞併左…」
「嗯?!...」




「德國唔知點解消失左，冷戰時期一d蘇聯既衛星國家都比俄羅斯食埋，例如波蘭等等，換言之世界既形勢變左，另一方面我翻查二戰既歷史，係日本廣島長崎投擲原子彈既唔係美國，而係變左俄羅斯…」一連串駭人既歷史改變聽到我合不攏嘴
呀力合埋雙眼，平和地道出四個字
「原來係咁」
「下?你聽到呢d巨變你唔會驚訝既咩?」我託異問道
呀力打了個哈哈
「係我既記憶中，大隻康只係講緊一d我一早知常識」
我立即會意，係喎，呀樂係冇歷史改變前既記憶…
「照咁睇，呀樂佢可能想完全地改變呢個世界…」呀力凝望地鐵窗外既景色
「改變呢個世界…?」
「我都唔係幾知佢想點，唔通佢係為左想創造佢心目中既公義世界? 」




我地完全都唔知呀樂想玩d咩花臣


「大隻康，你繼續搵下仲有冇咩特別野啦，保持聯絡…」
如是者，我地好快就黎到左xx樓
係入樓之前，我地遇到一個人….