電腦無啦啦多左d唔知咩既檔案係度(上): 第二十五節

「咦!係suki?點解你會係度既?」我驚奇地問
Suki一手就捉住我，帶左我去xx樓旁邊既商場…呀力亦緊隨我尾後
「suki，咩事呀?你點解知道我會係度，係咪呀樂對你又做d咩?佢叫你黎嫁?」
一連串既問題，suki並無回答
「街市仔…」suki既眼神顯得非常既疲憊
「係…」
「唔知點解我覺得你黎左，我好似知你會係度出現，於是我就係度等你…呢d係咪叫心靈相通…」我,suki同呀力入左starbuck搵左個位坐低享受生活態度…
「點解你…黎見我?係咪呀樂做左d咩，你答我丫」我望住suki纖弱既身軀，心諗suki一定受左呀樂多方面既虐待
「睇黎我都勸唔到呀樂，你地快d阻止佢」suki望住我同呀力
我見到suki兩行既眼淚慢慢流出黎




我既心唔知點解酸得好緊要，二話不說就就suki狠狠咁攬實
Suki心臟既跳動，身軀既微溫我都感受得到，呢一刻我只係想成為suki既羽翼


「suki，打擾你地兩個係幾唔好意思既，你知唔知呀樂”歷史控制器”係邊度?」呀力打斷左我地suki既纏綿
Suki低垂著頭
「真係對唔住，我係呀樂身邊咁耐，原本佢既”歷史控制器”係放係佢間屋，但係自從半年前佢就搬走左果部電腦，佢每一次佢都會困住我，然後離開屋企先進行歷史改變…不過唯一一樣我好肯定既就係，呢個”歷史控制器”離佢間屋唔遠，因為佢每次修改完歷史都好快番番黎」
「有呢個資料已經好足夠」呀力微微笑左野
Suki係呢個時候遲疑左一下
「嗯…我係呀樂屋企搵到一樣野，可能同”歷史控制器”既藏身地點有關」




我同呀力立即注視住suki
「係搵到d咩呢?」
「係無幾耐之前，我係呀樂櫃筒果度炒到一d單位既管理費單，原來佢買左xx樓40樓幾個單位，同埋下幾層幾個單位..會唔會佢將”歷史控制器”藏左係呢幾個單位果度呢?」
呀力拍一下自己個頭
「係喎!有可能係係其他單位用左40樓果個既wifi，甚至係係果個單位拉條線入隔離屋都得嫁喎，所以唔可以話果個txt檔顯示錯誤既地址…」
Suki抬番起個頭
「街市仔…我以為我可以有能力保護你，但…似乎呀樂佢真係癲左…佢可能想徹底改變呢個世界..對唔住呀」
我輕輕撫摸suki個頭
「你放心，我一定會收拾呢個呀樂」
「街市仔，不如依家我先做探路，我先上去xx樓，你係下低支援，一切聽大隻康既指揮，ok?」呀力提議




我示過意後，耳機突然傳黎肥康既聲音
「好!mission start!」
肥康呢條友真係…


透過耳機傳黎呀力既聲音
我已經知道呀力順利潛入左xx樓
通訊突然一斷…我驚左一驚
肥康立即解釋
「呀力佢入左lift，d訊號cut左姐，唔洗驚」
果然過左一陣，訊號又出現番黎
「over，over，呀力到左四十樓，重覆一次，呀力到左四十樓」
「肥康呢邊都收到」
「感覺同上次差唔多，肥康你識唔識追蹤邊個單位開緊電腦」
「濕碎野啦，40樓有好幾個單位用緊喎12號 13號 14號都有…」肥康立即反應




由於我將後備既耳機同微型米高峰都比左suki
Suki聽到肥康話40樓有邊個單位用緊電腦既時候，立即就話
「14號果個就係呀樂屋企隔離，個單位都係呀樂嫁」
呀力笑左聲「bingo!~」


發現到呀樂既根據地後，呀力好快就走到14號單位面前
「我諗住一衝入去就制伏呀樂，街市仔準備上黎支援」
聽到呢句說話既時候，我即刻拖住suki就衝去xx樓，睇黎呀樂差唔多係時候要收皮啦，玩左我地咁耐，今次仲唔有仇報仇?
係耳機傳黎一陣用鎖匙開門既聲之後，呀力果邊突然冇哂聲音….
「喂喂喂….呀力你係邊呀?」
沙左幾秒聲之後，耳機傳黎既唔係呀力把聲而係肥康…
「喂喂喂…呀力聽唔聽到…」
「街市仔…我睇有d事發生左，呀力無哂訊號，會唔會佢消失左…」係耳機果度都感受到肥康心臟跳得好快
「唔係掛?咁恐怖?....」




我腦海中又浮現一個影像….呀樂….