一個書生既Player故事: 三零九

「呼。打到就黎出汗。」Stephanie話。

「有無咁誇，而家冬天喎小姐。」我話。

「你唔明嫁啦！我平時都唔打機既！」

「啱啱開心啦你！我想講，個女仔唔著衫出廁所，差D嚇死Step。」Felix幫Step話我。

「我諗住偷聽下，點知。。」Step講起都怕醜到要雙手掩眼。



Stephanie隨手拎起手機，望到我既Message之後，向我瞧咗一下看眼色，用一個我睇唔到電話Mon既角度按電話。

我故作泰然，如常笑笑口講話：「Sor 9，下次貼張Memo喺大家房門口。」

電話一震。

SP：【去咗Hallmate度傾計，你呢？】

佢偷偷留意我既表情。



我努力忍住顴骨升天、發自內心既微笑。

我都講唔出點解咁好笑。

我：【哈，我都係】

「到底你20幾歲既人生入面，食過幾多個女仔？」Stephanie問我。

「我無數過喎。」我露出陽光既微笑問Stephanie：「乜你好想知咩？」



「想排隊做我SP，應該要排到去IFC。」

「你對自己會唔會太有自信？」Stephanie已經唔太想理我。

「雖然我讀BBA，但我份人好Scientific，我只係睇數據。」

「咁數據係咩？」

「一、二、三、四、五。。。」我一隻隻手指如數家珍：「認真，真係多到我數唔到。」

「拿部電話黎。」我同Stephanie講。

「做咩？」Stephanie問。

我左手捉住Step隻手同埋電Iphone，右手捉住佢另外隻手指去解鎖。



我打開通話既頁面，將我既電話號碼輸入，並且撥出。

再打開相機既自拍模式。

我輕輕摟住Stephanie既膊頭，頭側向Step，對眼笑到瞇成一線既貓咁。

按下自拍鍵。

又好似隻貓咁用個頭鑽Step既手臂。

按下自拍鍵。

Stephanie緊張得臉容崩緊，唔知點樣俾反應，好似仲有少少臉紅添。



「。。。」Stephanie無出聲，睜大眼睛望住我。

「拿，咁你而家都係我既SP之一，證據確鑿。」我話。

我打開Whatsapp對話欄，將啱啱果兩張合照Send返俾自己。

「你要對我負責任呀。」我話。

「咩料呀你。。」

「林書生，又喺度抽人水。Step你唔好理佢啦～」Felix喺隔離望住，終於出聲。

「痴線嫁呢條友。。。」

我用林書生既身份，Whatsapp咗個「V」字勝利手勢俾Stephanie：【你要對我負責任阿<3】



就係咁樣，我算係正式抄咗Stephanie既牌。


回到自己房。

大約兩點鐘，我收到SP身份send俾我既Message。

SP：【你覺得自己係咪一個Player？】
我：【做咩咁問？】
SP：【你講過你係佛洛伊德派別，想學習阿德勒】
我：【你有咩發現？】
SP：【佛洛伊德相信人類係生物性既在在，佢既行動會受動物既衝動所驅使。人既意識同潛意識係互相矛盾對立。】
我：【無錯】
SP：【點解想學習阿德勒？】


我：【佢既思想正面，係同佛洛伊德掉返轉。】簡單來說，佛洛伊德係悲觀主義者，從原因去了解人既行動，認為人係本能同環境既受害者。而阿德勒則覺得人既行動都有目的，由自己既選擇去創建未來。
SP：【佛洛伊德認為人既行動都有佢既原因，即係過去。到底你有乜野深刻既過去，影響到你想做Player？】
我：【我有講過我係一個Player咩？】
SP：【從你打字既語氣。。。】哈哈，呢個理由有D牽強。Step好似好想深入瞭解我既諗法。呢個人好特別，好似從來無一個女仔會咁想瞭解我既世界同埋諗法。又真係會為咗我去睇書爬文。
我：【你要轉行做神棍=p】
SP：【答我啦　我諗唔透】
我：【等有一日，熟D既時候你親身問我。我再考慮下答你。】