SP:【今日約咗Frd去長洲玩^^】
我:【今晚氣溫急降,著多件衫,唔好凍親】
SP:【知道
我:【記得買手信俾我】
SP:【長洲有咩手信?】
我:【買串長洲大魚蛋。。或者碼頭對出有間唔係成日見到既生菜魚肉。。Thanks】
SP:【玩野呀,外賣得黎俾你D野食都壞!】
我:【俾D誠意】
SP:【買個散子包俾你】
我:【哈哈,你終於肯見我啦咩?】有時,我會講笑話幾時出黎食飯見面。Step都會拒絕我。


SP:【唔肯。順豐到付俾你。】
我:【掉落我Hall個郵箱度咪得=_=】
SP:【果幾十蚊當係行政費】
我:【好啦】
我:【記得影多幾張靚相俾我睇】
SP:【我見到鬼妹阿!】
我:【圖定Auntie?】
SP:【請支付5蚊解鎖】

我喺銀包拎咗個五蚊出黎,影俾Stephanie。



SP 傳來一張相片。

無錯,的確係一個鬼妹,但佢係美極黎既。等我仲期待咗一秒。

我:【頂你,美極黎既】
SP:【多謝你既5蚊】

我同SP既對話走甜,十級無聊,有毒特既膠流方法,外人睇應該難以理解。



Stephanie真人好怕醜,講句野都疾下疾下,但喺Message入面又會牙斬斬好多野講,係一個不折不扣既鍵盤戰士。

撩到乖女仔喺我面前表現出活潑既一面,都幾有成功感。

我同Step Message既頻率係繼江柏琪之後最頻密(我同Michelle拍拖喺歐洲係得閒先覆一兩句,有各自既生活同埋空間,完全唔會Chur大家),我幾乎秒回Step,而Step又會秒回我,呢件事好瘋狂。

我對Stephanie算係擺喺好重視既位置,因為我唔算係鐘意密密Message既人,平時覆多幾句已經嫌麻煩。
 
扑野對我黎講太容易,呢種單純傾計既互動對我黎講更加難得。

喺SP呢個身份面前,我可以做返自己。

我察覺並且承認對Stephanie既好感,將佢加入我既拍拖觀察名單。

我好開心,我終於搵返果種戀愛既忐忑:又會期待人地Send Message俾自己,每日都想快D返Hall,咁樣夜晚就可以見到思念既人既感覺。



如果相處落都覺得舒服又有可能,我會正式去追Stephanie。

畢竟,同江柏琪已經係三年前,入大學之前既事。

佢亦都過得好好的,我都應該開始屬於自己既戀愛生活,真真正正去放底佢。

Stephanie既出現,正好同我早排既叫春(認真想拍拖)不謀而合。

呢個Timing啱啱好,一定係上天俾我既禮物。

我:【你專心玩啦,唔好掛住Send Message】
SP:【我晏D再覆你~】