「聽日Janice都想黎做OC。」夜晚返到Hall,Felix同Parsons講。
 
「哈哈,咁好。」 我皮笑肉不笑。我知道,林敏兒會開口黎做OC,係因為想見我。
 
「無任歡迎。」Parsons話:「Felix你同Wade大隻D,我想你地做大會OC,Set場要壯男搬搬抬抬。」
 
「書生你把口叻,陪Stephanie同Janice,一齊Hold下Game。」
 
「下?Felix你唔洗陪女朋友?一係我同你對調。我去搬野。」
 


「唔洗啦,成日痴住我,佢咪識唔到新朋友囉。你陪佢啦。」
 
「好啦。」你都講到咁。。
 
「做咩你個樣好似神不守舍咁既?」Stephanie問我。
 
「無呀。諗緊野。」
 
人地以為做Hold task既OC好懶又可以成日吹水識到囡囡係旬位,但我寧願去搬搬抬抬好過。
 


仲要我夾喺新歡同舊愛中間,見到林敏兒都唔知講咩好,其實我唔太想見到我既人生污點。
 
『你呢排點呀?』
 
『細細個就俾人笠咗頂綠帽,跟住就瘋狂食女、搵SP,係無限既自我懷疑既輪迴入面,你話幾好呀。你呢?隻臭西俾人中出咗二十連發腐爛咗未?』
 
『Oh come on james,咁耐既事你仲放唔底。無見幾年,你講野粗鄙咗好多囉。』
 
『對住你呢D人渣,好難唔講粗口。』我諗,好多女仔都一樣咁睇我。
 


心裡各式各樣的小劇場盡情上映。
 
琪:【幾時約食飯?】
我:【聽日入O camp幫手,下星期先。】
琪:【好啦,等你約我】
 
我同江柏琪間中會send幾句Message,大概每一兩個月見一次面,見面既時候先盡情分享近況。呢種唔過份滲入對方既生活,亦不至於完全唔聯絡,呢忙碌既大學生活裡面係一個唔錯既頻率。
我Whatsapp肥傑,將今日撞到林敏兒,而佢仲話要玩我地O Camp既事話俾佢聽。
 
傑:【唔通佢想同你做返朋友?】
我:【分咗手,仲做咩朋友】
傑:【我估佢都係八掛下你近來過成點,唔好太敏感啦】
傑:【唔通你仲未放底佢?】
我:【唔再鐘意佢了】
傑:【咁得啦,唔好被個妖女誘惑到!】


我:【佢敢,老納一野轟到佢稀巴爛。】
 
「連Chur三日,早D訓啦。」我同Parsons講。
 
「我驚聽朝唔知醒,今晚同莊員落Soc房訓。聽日見。」
 
「加油呀!」