而我喺張床到由兩點半碌到三點半鐘,西牛佢先至返返嚟,一聽到佢嘅開門聲我即刻個頭縮返入個被窩裏面。
 
啪!
 
因為我知道,佢一返到嚟一定會兜嘢拍我個頭。
 
西牛佢大聲咁問:「格仔!我問你!」
 
「咩啊又?」我喺被窩裏面答。


 
西牛:「有無喺我張床到扑嘢!」
 
「無啊。」
 
西牛聽到之後,好似好失望咁。佢問我話:「喂啊你幾時先肯聽下我講。」
 
我唔知點答佢好,所以我話「下次啦,下次我會嫁喇。」
 
佢聽到我咁答就好興奮、好滿意咁:「啫係琴晚有食佢啦!」


 
我再拉高番被,扮到聽唔到佢講嘢。佢一手將番被拉返落嚟,我個頭暴露喺空氣之中,冷氣好涼。我推開佢隻手,拉返高番被繼續瞓。
 
佢好大聲咁話:「啫係有帶人上嚟啦!」
 
我無答佢。
 
「阿怡正唔正啊喂?」西牛佢追問。
 
我回答,「唔知你講咩啊。」


 
佢陰陰笑咁笑咗幾下,又一吓拍落嘢,「衰仔!呃鳩我?!」佢一路打一路鬧,「你呃鳩我?!你呃鳩我?!」
 
「無啊!」我叫住佢,「我送咗佢返房啊!」
 
西牛佢停咗手,佢諗咗一陣然後佢問我:「咁佢知唔知佢係邊間房吖?」
 
我唔知。
 
西牛等咗好耐都聽唔到我答佢,佢伸手推返正我個身,向返住佢嗰一邊:「你唔好扮瞓啊吓!」
 
我扮瞓住咁講:「啊...你講咩話...?」
 
「咁你即係唔知人哋邊間房啦!」佢又拍拍我:「咁你點送人返去啊!」
 


佢終於都無我咁好氣,頂我唔順。
 
西牛佢直接就話:「講!射咗幾多次!」
 
我手踭掩住對眼,向住天花板仰睡嘅時候午後嘅陽光照到我嘅眼睛,我都慢慢咁清醒過嚟。
 
「阿怡淫唔淫!」西牛:「喂...斯斯文文咁啱你口味啦!」
 
我笑咗笑。
 
西牛:「仆街!睇你個含春樣!」
 
佢一手捉住我個頭喺咁搖。
 
西牛:「你講!阿怡咩CUP!」


 
我緩緩推開佢隻手,擋一擋佢,佢就收聲等我答埋落去。我乾咳咗聲,我話——
 
「C.」
 
西牛佢興奮跳起,好似踢波入咗波咗,佢握拳大叫一聲:「GOALLLLLLLLLLLL!」尾音拉到好長。佢作勢同我擊掌,我跟住佢,頹廢地揚起一隻手。
 
啪!
 
西牛:「格仔好波!」
 
我唉一聲:「唔好講衰嘢啦喂。」
 
西牛:「阿怡淫唔淫!爽唔爽!」
 


昨夜一切刻喺我腦海之中,佢胸部嘅柔軟,佢喺我懷中時候嘅暖意,我用力攬實佢嗰時實在嘅感覺。
 
「咁爽就好爽嘅——」我話。
 
佢又一手拍我個頭。
 
我鬧佢「唔好成日拍鳩我得唔得呢喂?」
 
西牛佢又陰陰嘴笑話「我下次唔帶女畀你啊吓!」
 
「好啦咁你拍啦。」我答。
 
跟住我哋就一齊捧住個肚大笑。
 
二話不說啦佢又一嘢拍落嚟:「哈!睇你唔出你都有返咁上下仆街嫁喎!」跟住佢仲問我:「下次你要咩類型?」


 
我話要「斯斯文文、有啲怕怕羞羞咁樣。」
 
佢話我:「好難有依啲嫁喎!」
 
講講下,又好似真係咁。
 
「哦...」聽到佢咁講的確有少少失望,於是我話「咁唔緊要啦。」我同西牛講:「求其靚靚女女正常有胸都可以。」
 
「屌咁樣易好多。」佢點點頭,鬆一口氣。
 
西牛佢仲話會幫我問吓Stephanie有無啲咁嘅朋友...「再唔係我帶你去第到玩都得啦!」佢話。
 
「細佬我以後跟你搵食喇西牛哥。」
 
我同西牛又一擊掌。
 
我認為我同我室友嘅深厚友誼,其實係建基於不斷同唔同嘅女人做愛上面。我諗依啲應該算係共同興趣。
 
佢好似喺房到Hea咗陣,我又瞓多咗陣,佢好似行咗去佢張枱面前,執咗陣嘢,將啲書啊、Notes啊放返入書包裏面,拎咗個水樽,放埋入去。佢有佢執嘢,我有我面對住牆壁擘大眼瞓。回想返如煙似霧嘅昨夜,我竟然會畀人話係個善良嘅人,當然覺得好好笑,白痴,我竟然係個好人。唔知道我咁樣算唔算係收咗好人卡。但係,偏偏因為咁,依一件事先好似揮之不去咁。
 
「係喎喂,你同條女散咗咩?」西牛佢問。
 
「未散啊。」我答佢。
 
「未散?」佢問我,「啫係會散啊?」
 
「散緊。」我話。
 
「哦...好。」佢話。
 
跟住我哋一齊靜咗落嚟。
 
「做咩啊你哋?」西牛佢問。
 
「唔鍾意咪散。」我話。
 
西牛佢當堂嚇一跳:「你唔係一晚就鍾意咗阿怡吓話?!」
 
「唔會啦。」一晚?一個月我都無鍾意過,好難想像我會因為一個夜晚而鍾意一個人。「玩吓就算嫁啦。」
 
佢豎起隻手指,指住我,點幾點,「認清你條仆街啊我終於。」
 
「總之你下次有咩玩叫埋我啦。」我話。
 
「得啦。」
 
西牛佢執好個袋,揹到背脊上面。
 
「喂!」我向佢伸出手:「你去邊啊?」
 
西牛佢話:「我去上堂。」
 
「咩話?!」聽到我擘大個口得個窿:「你做咩上堂啊?!」我好擔心西牛佢係唔係有啲咩事,係唔係有乜嘢睇唔開呢?我問佢:「你琴晚係咪受咗啲咩嘢刺激?」
 
「屌!嗰堂要點名啊你老母臭閪!」西牛佢即刻鬧返我轉頭:「瞓啦廢青!」
 
跟住落嚟我哋大家指住大家笑。
 
「屌你老母啦!」我鬧佢。
 
「你拎去啦。」佢仲問我:「幾時上?」
 
「仆街仔。」我哋嘅對話就係不斷咁我笑下佢...
 
佢又笑下我,「大家咁話。」
 
跟住呯一聲佢就閂門走咗出去。
 
我將番被拉返落嚟,刷個牙,踼對拖鞋,拎個烏冬出嚟煮咗個烏冬畀自己,加啲芝麻醬,撈埋佢,我就將碗碳水化合物倒咗入肚。
 
我食飽嗰陣,係下晝嘅四點半鐘。
 
「格仔啊,你記得你約咗我嫁可?」
 
而我再睇到家雯嘅Whatsapp亦都係好耐之後嘅事。
 
「記得,緊係記得。」我答。
 
其實我一啲印像都無。
 
「我哋今晚去食壽司好無?」佢問。
 
「好,你鍾意。」我答。
 
「七點鐘,尖沙咀等好唔好?」佢問。
 
「好。」我回覆。
 
家雯輸入中...
 
等咗陣,佢個名下面閃嚟閃去都係咁樣嘅一行字。
 
家雯輸入中...
 
佢同我講:「我有啲嘢想同你傾吓。」
 
「好。」我回覆照舊。
 
跟住佢無再Send過Whatsapp嚟,對此我鬆一口氣,就繼續將部電話放埋一邊,開始我原本嘅工作。係,之後我會寫一個搞笑故事,令所有人都笑。可能喺「我會令人笑」依一點上我的確係一個善良嘅人啩?阿怡佢係咁嘅意思?除此之外,「善良」依兩隻字落到我心底裏面,實在有點無處容身之感。
 
已有 0 人追稿