《米米蓮的100個恐怖推理合集》: 《水之死亡》謎面

《水之死亡》

謎面：

近來 我總是覺得力不從心 做事都提不起勁 幸好…

我有一個溫柔體貼的妻子 今天…

她造了一些涼茶給我提神





「丫 真係正呀！飲一啖個人已經精神晒！多謝你呀老婆！」
「嘻嘻 蠢蛋 你有精神就好喇 仲唔快D返工？」

我跟老婆道別後便上班去 怎料電話突然響起 是一個朋友來電…

「咩事呀？戇膠！」
「喂 大件事喇！」
「有屁就放啦！」
「你死喇！」
「你就死！講啦！咩事呀？」




「唔係呀 你都知我鍾意占卜啦 頭先我興起幫你卜下 點知卜到話你今日會死呀！你依家係邊呀？」
「黐線！不過我咁岩真係會經過你屋企樓下 五分鐘左右到啦 你落黎丫」
「好！」

三分鐘後 我在朋友家的樓下遇上他 他真的在這裡等我…

「點呀？」
「你既死會同水有關」
「水！？今日我係會成日維修水池呀 但係會放晒D水架喎」
「咪喇 我陪你去 我真心想幫你化解」




「是但你啦」我同時提起妻子所造的涼茶喝了一口
「你飲緊咩呀？」
「老婆整既涼茶囉 你唔恨得咁多喇 哈哈」
「你老婆唔會想你死呱？」
「去死啦你 我老婆不知幾愛我 我今朝先飲完兩杯」
「咁就應該係同水池有關喇」

之後 朋友跟我一起到了水池工作
我就說過他古靈精怪 這裡的人很體貼 原來早就把所有水都放走了

「你做乜咁冇精神既？」
「係啦 好似好攰咁 唔緊要 飲啖老婆靚靚涼茶就得」

我一口氣喝了一半





「精神晒！」
「你老婆D涼茶真係咁神！？」
「唔係你估」
「黐線 使唔使整支5L裝你飲 咁誇張呀？」
「我地呢D做勞力工種既人呀一日行行地飲幾L水啦 少D邊夠飲呀？」
「喂！PK！落雨呀！」

我們到了一旁避雨

「我仲係覺得有D唔妥」
「戇居 咪成日神神怪怪啦 落雨我都冇事啦 而家咪生勾勾 飲返啖先」
「你上癮呀？」
「傻既 老婆整既 當然上癮啦 你唔恨得咁多喇」
「係噃 今日唔係6號咩？」
「係 而家係」我望一下手錶後回應





場雨越下越大 直到凌晨我們亦無法離開

「喂！出事喇！」

我…我覺得很累… 但是…我知道這不是老婆的錯…至少…

她的涼茶肯定不是毒藥

(完)