黃鼠狼特務II 赤地(搬家原故,本站停止更新): 章五:Believe

   人形標靶一個一個的彈出,「砰———砰———砰———」,也一個一個的被子彈弄出好幾個破孔.顏影寒幾乎花了三個小時在靶場,對著人形標靶發洩一番.
「呢個係一種紓壓方式?」戴著耳罩的張穎琳走進來,瞧瞧那些可憐的人形標靶.
​「Join唔Join?」顏影寒把手槍遞向張穎琳.
​「我唔可以.」張穎琳淺笑説:​「槍呢家嘢我可免則免.」
​「噢....sorry.」顏影寒尷尬的一笑,收回手槍.
​「唔緊要.」
​「嗯.....」
​「...........」
​「mmm......」顏影寒知道要盡快轉移話題才能化解尷尬嘅氣氛:​「齊家尚.....佢曾經係黃鼠狼特務?」
​「嗯,S309803.S小隊成員.」




​「方sir只係同我地講過黃鼠狼分成N小隊同Z小隊,但係S小隊.....佢就隻字不提...」顏影寒心生許多疑問,希望得到解答.
​「喺四年前,有一件事導致我地S小隊解散....我地嘅上級,孫耀洋背叛我地.」
​「咩話...?」
​「你冇聽錯,係孫耀洋.我發現左佢真正身份係漁夫嘅爪牙之後,佢開始狡辯.」張穎琳回想當時她舉起槍指著孫耀洋的頭顱,可是她手在抖動,遲遲不敢開槍.孫耀洋見況,落荒而逃.
    若果當刻他們任何一個扣動板機,孫耀洋便沒有機會逃去,繼續為害人間.無奈他們只是小孩,柔弱的小孩.

「我地冇諗過孫耀洋之後成為左漁夫香港​支部嘅負責人,然後......」
​「天幕事件.」顏影寒眉頭深鎖,眼裡充滿怒火.
「我唔祈求你原諒我地,只係想可以俾機會我地彌補.」
​「彌補?真係好笑.....你知唔知你地匿埋呢段時間,發生過咩事?喺我地比人通緝嗰時,你地就舒舒服服咁坐響屋企梳化睇新聞?定係出街睇戲??Shoppping??如果你知道馮佩妮發生咩事嘅話,你會發現彌補呢兩個字冇意義.」顏影寒說完便離開,遇到站在門外,面露不悦之色的區可頤.顏影寒無視她,從她身旁走過.




​    張穎琳和區可頤互望一眼,再把目光閃向地面.
​「我覺得我地應該去睇下.」張穎琳一句打破沈默.
​
   兩人在勇仔的帶領下,來到一間加護病房前,透過玻璃窗見到四壁皆白的房間有一部電視孤獨地播放著,而馮佩妮則抱膝縮在床邊,眼神空洞,樣子憔悴,靈魂像被吸走似的.
勇仔嘆一口氣,道:​「我地喺格里諾克發現佢嘅時候,佢旁邊有兩具屍體,估計係一對夫婦.而佢就成身血,唔肯講嘢.」
​「我可唔可以同佢傾下?」張穎琳問.
     勇仔默默點頭.
   張穎琳走進加護病房,在馮佩妮身旁蹲下.她左臉有道明顯的傷疤,似是由利器造成的;手心還緊緊抓住一個小小的蝴蝶結頭飾,看到此景,張穎琳心揪了一下.
「知唔知道邊個做嘅?」區可頤低頭望著地面.
​「翻查過附近CCTV,都冇發現過有可疑嘅人.睇嚟俾人動過手腳.」勇仔伸手把頭髮往後抓,苦惱地咬著下唇,他留意到區可頤沉重的樣子,打算緩和氣氛:​「正式自我介紹一下,我叫馬智勇.可以好似其他人一樣叫我勇仔.」




「區可頤,可以叫我Angela.」區可頤暫時放下沉重的情緒,認識一下新朋友:「勇仔,你點解會加入烏有國度?」
      勇仔憶起往事,道:「我曾經背棄身邊愛我嘅人,眾叛親離,仲幾乎自殺.然後玲姐出現,話俾我知世界唔係我諗得咁差.」
「玲姐係拯救你嘅人.」區可頤露出意味深長的笑:​「淨係咁?」
​​「我.......」勇仔半羞半喜,摸著後腦杓:「我淨係當玲姐係偶像,冇其他....真係冇....」
「鐘意就講出口囉,唔好收收埋埋~」
​「真係冇喱...」

    張穎琳從加護病房走出來,兩人隨即把目光移向她,想從她身上得到任何線索.
​「當時屋入面應該仲有個BB囡,大概一歲左右.....」張穎琳道.
​「BB囡?」區可頤聽到後有些訝異:​「馮佩妮嘅?」
​「咁點解我地冇發...」勇仔未說完,便被張穎琳中斷:​「因為BB囡比人捉走左.」
​「我想去現場睇下有冇咩線索.」張穎琳有點不好意思地問勇仔:​「唔知可唔可以?」
​「當地警方封鎖左現場,普通人入唔到去.係有D麻煩....因為唔知玲姐俾唔俾.」勇仔說.
​「Pinky,你真係打算去?」區可頤語氣帶點擔憂.
​「就算彌補唔到,起碼可以為馮佩妮做返D嘢.」




「由我陪佢過去,你可以放心呱?」勇仔自薦道.
​「小心D,你地可能會遇到紅槍客嘅特務.」區可頤留下忠告.

------------------------------------------------------------------------------------------------------------------------------------------------------------------
    一張簡陋的木椅子被放置在攝影機前面的正中位置,一個身穿墨綠色連帽衣,戴著鳥嘴面具的人坐上椅子,面向攝影機.主光,補光和背光亮起,直播正式開始.
「大家好,我地係Woodpecker,香港公民嘅同伴,網路嘅黑騎士.呢條片,係送俾政府.你地所做嘅一切,Woodpecker通通看在眼內.近年你地越來越猖狂,為鞏固權力而不擇手段,剷除異己.香港市民已經忍無可忍,作為懲罰,Woodpecker會入侵並癱瘓所有政府網站,並洩露政府高層嘅個人資料.與此同時,Woodpecker會繼續嘗試破解更多機密文件,將政府嘅秘密公諸於世.喺呢度向政府作出警告,情況惡化嘅話,我地會採取下一步行動.」
   影片片末插入一段電磁脈衝波爆發的動畫片段,畫面中央慢慢展現字幕''Woodpecker''.
    直播結束,攝影師收起工具.戴著鳥嘴面具的人剛剛站起來,便聽到來自外面的吵鬧聲,幾個青年正在阻擋著硬要進來的顏影寒.
  鳥嘴面具人打手勢要手下放開顏影寒,顏影寒甩開他們,抬頭看著對方.
「我要同你地做場交易.」顏影寒道————————

 
                                       -------------------黃鼠狼特務II 赤地------------------------

                                      -----------------------章五:Believe--------------------------






     信息中心.
藍曉玲用拳頭托著下巴,看著液晶顯示屏上顯示''香港公民的同伴,網路的黑騎士''的字樣,然後畫面淡出至黑色,影片結束.
「​Woodpecker嘅本意係好,但係佢地嘅行為同嗰D空口講白話嘅黨派冇乜分別.」區可頤站在門邊.藍曉玲的眼球還專注在屏幕上,遲了兩秒才發現區可頤的存在:​「我居然冇留意你企左響度,哈哈.」
​「見你睇得咁入神,無謂嘈住你啦.」
「​唔會,我都係時候休息下,兩日都冇瞓過咁濟.」藍曉玲用遙控器關上液昌顯示屏:​「刷牙瞓教~」
​「咁好啦,Good Night~」區可頤揉揉眼睛,她早上跟一群守衛打鬥,身體也累了.
​「早攰~」藍曉玲轉身離開,卻想起了甚麼,回頭叫住區可頤:​「穎琳同我提過,關於孫耀洋嘅事....」   
     藍曉玲繼續説:「當時你地仲細,迷茫係正常嘅事.你無需要責怪自己.」
「就因為當時我放過佢,佢先有機會成為漁夫香港分部嘅負責人,天幕事件先會發生....」
「I came not to call the righteous, but sinners.」藍曉玲吐出一句話:​​「過去唔可以定義你嘅人生,重點在於現在.因為嗰件事,成就今日嘅你.」她又從衣口袋取出一個十字架吊墜:「信仰係我嘅驅動力.」
「我有信念....」區可頤目光定在十字架吊墜上:「但係現實同理想往往相反.」
「我知道上帝唔存在,不過我選擇相信,相信上帝存在.」
「咁唔係欺騙自己咩?」




「有時太過聰明,反而會令自己卻步.」藍曉玲把十字架吊墜掛在頸部,十字架反射出銀色光芒,讓區可頤看得入神.

------------------------------------------------------------------------------------------------------------------------------------------------------------------
    位於藍田港鐵站上蓋的商場,是附近中學生必到的聖地.這地方暗藏不少林林總總,經濟實惠的小食店.然而已經不是中學生的齊家尚,還不時到這裡棒場.他站在一家日式小店前,良久,還是決定像從前一樣,把不同口味的手卷叫遍,再來個加州反卷,三文魚反卷和六件壽司:「老闆,例牌.」
​「吓?哦.....OK.」老闆未習慣齊家尚輕便的衣著,要看他的樣子才認出他,隨即動工.
​「老闆,我要個蟹棒手卷~」區可頤忽然出現在齊家尚身邊.正在準備醋飯的老闆快眼掃過區可頤,說聲OK,再專注在工作上.
​「又係你...」齊家尚面帶不耐煩的表情:「咪同你講過,我唔想再加入排球隊.」
「噢~」老闆聽到後得意地揚眉:「原來尚仔以前打排球㗎?睇唔出喎~」
「佢仲打得唔錯㖭.」區可頤望著齊家尚的雙眼說.
「你仲想纏住我幾耐?」齊家尚避過她的目光,挨在一旁.
「如果我同你講,有人資助我地排球隊重新營運呢?」
「重新...營運?」
「咁難得嘅機會唔好放過丫!」老闆應聲道.
「我地去第二D地方傾.」齊家尚從老闆手上拿過便當,便一個人離開.
「你嘅蟹棒手卷~」老闆為區可頤送上蟹棒手卷:「奸巴爹!」




「多謝老闆~」
     齊家尚和區可頤來到了一個人跡罕至的公園,找了一排木椅坐下.
「事情係咁嘅,有個叫烏有國度嘅組織邀請我地同佢地合作.佢地有完善嘅設備同人手,我覺得加入佢地未嘗唔係個好選擇.」
「你確定佢地係好人?」
「憑感覺,我覺得信得過.」
「.......」
「嗯?」
「Woodpecker唔係個我話離開就離開嘅組織.」
「你唔需要離開.」區可頤道:「我地反而需要你留喺Woodpecker入面.」
「臥底任務?」
「Woodpecker最近派人同奮鋭黨召集人洪又達會面,我地需要知道佢地計劃緊D乜嘢.」區可頤從牛仔褲袋掏出一個盒子狀的小型通訊器,交到齊家尚手上:「我地用呢個聯絡.」
   齊家尚迅速把小型通訊器收到斜背包裡.
「你係我第二個線人.」區可頤道.
「咁第一個呢.」
「秦世樂.有佢嘅話,我唔洗花咁多時間去查洪再明.」
「洪再明......洪又達嘅細佬,一年前因為觸犯特區反恐法而被判終身監禁.」齊家尚還記得當時在網路引起轟動,洪再明在監獄被打至半死的照片:「俾D時間我考慮下.」
「keep contact.」區可頤拍拍齊家尚的肩膀,從木椅離開.
     落日餘暉灑在公園,把花草渲染上耀眼的金黃色.齊家尚掏出錢包,看著自己跟婆婆的合照,就這樣度過黃昏.

-----------------------------------------------------------------------------------------------------------------------------------------
    張穎琳掏出鑰匙,插進孔裡扭動,把厚重的鐵閘門推開.
「爸,媽.」她望向坐在客廳看報紙的父親和在廚房煮菜的母親.
「份小組報告做成點~?」母親見女兒回來,隨即送上一碗熱騰騰的蕃茄薯仔湯.
「幾好丫....進展好快,應該會攞到唔錯嘅分數.呀!」張穎琳被湯燙到嘴巴:「我燙到....」
「飲之前吹下先丫嘛!搞到燙親咯.」母親趕緊拿抹布抺走溢在桌上的湯汁.張穎琳放下湯碗:「我入房休息一陣先,等D湯涼左我再飲.」
   母親看著張穎琳關上房門,跟丈夫對望一眼.
「覺唔覺得...穎琳有D古怪?」母親細語說,盡量不讓女兒聽到.
「做報告做到攰啫,有乜咁古怪?」父親沒有太理會她的說話,繼續專注在報紙的體育版上:「更何況我地穎琳仲要考上碩士.少少壓力好正常啫.」
「你覺得穎琳會唔會.....援交?」
「援交....?點解咁講....」
「佢呢排有幾晚都冇返嚟瞓,我就唔信有咁多小組報告...」
「仲有佢之前講過,唔想我地咁大負擔....」父親放下報紙,一臉苦惱.

     張穎琳翻開手提電腦,登入暗網的社交網站,與區可頤視像通話.
「Pinky~」
「Hi Angela~」
「今日去咗搵齊家尚,佢需要D時間.」
「嗯....」
「唔駛在意顏影寒講嘅嘢,佢份人就係咁,自大,冇腦,橫衝直撞.」
「唔駛説服我喇,我係去硬嘅.我地改變唔到過去,但係可以改變現在,甚至未來.秦世樂佢地未完成嘅事,就由我地完成.呢個係我地嘅責任.」
    身後傳來敲門聲,是母親:「穎琳,食得飯喇!」
「知喇!」張穎琳應道.
「你幾晚都冇返屋企瞓,佢地一定好擔心你.」區可頤説:「你打算點同屋企人解釋?」
「我諗未係時候.....」

    一家三口邊看著電視新聞邊共聚晚餐,母親對父親打眼色,父親吞下口中的菜心後,偷望正在看新聞的張穎琳.
 母親用腳踢踢父親的腳,父親用眼神告訴她:''唔係時候.''
   電視上原本在播放的體育新聞,突然中止,畫面充滿雪花.不止是張穎琳家中的電視機,全香港每一部家中的電視機,鬧市中的大電視,甚至是在電器店展示的電視機,電腦,手機;也出現雪花畫面.正當群眾納悶之時,畫面突然出現一間大家熟悉的身影——————通緝犯,霜寒.
​「咩話...?」張穎琳瞪大眼睛仔細看清楚,沒有錯,就是顏影寒.
​「Oh.....Fuck.....」區可頤在大街上見到大電視上顏影寒的樣子,臉上盡是黑人問號.

​「我係霜寒.今日,我要撥亂反正.」顏影寒的聲音傳遍每個角落,一字一句,十分清晰——————————