———————————
如果覺得故事寫得正就去Facebook比個讚啦!
你的支持是我繼續寫下去的原動力!
Facebook:https://www.facebook.com/woodensunn/
———————————

#人與人的關係,就是建立於彼此的秘密之間#

「Calvin?點會係佢架?」看到他在監視器畫面中抱著數份文件,鬼鬼祟祟的外貌,我實在不敢相信自己的眼睛。





為何Calvin要從檔案室拿走檔案?撕毀風蒔檔案的人又是不是他?

「我有簡略睇過之後嘅錄像,calvin並無還翻啲檔案。如果我地好彩,啲檔案可能仲係佢嘅辦公室。但係都有可能檔案已經被銷毀。」森麻分析著目前的情況。

「咁點算⋯?」我一時之間沒辦法消化這個訊息,也沒辦法想到對應的方案。

「柏月,我覺得我哋應該等菲小姐出面,問清楚Calvin發生咩事。」

「嗯,我都同意。」我稍微一想。





「咁我聽朝就去同菲小姐講。」

———

「森麻,你嘅意思係Calvin偷取公司文件?」在克里斯蒂•菲的辦公室中,她如常自信滿滿的坐在桌前。

「係⋯佢仲可能牽涉撕毀文件。」

「點解佢要咁做?」Christy突如其來的問題,問得森麻啞口無言。我倆從沒認真考慮過Calvin的動機,光是憑那段片段就判定他有古怪,實在是過於兒戲。





「點都好⋯既然你覺得佢有問題,咁你去問下佢。」Christy撰寫了一封通知書,讓森麻帶著去與Calvin會面,內容大概是描述森麻此行的目的並吩咐Calvin如實相告。

「好,唔該你,菲小姐。」

森麻拿著通知書就立即前往Calvin的辦公室。

咯咯。

「入嚟!」Calvin的聲音照舊頹廢消沈。

「王先生,我係森麻,今次嚟係有野想問吓你。」他一邊走到沙發前坐下,一邊解釋來意並遞出了通知書。

「有咩想問?」Calvin微微抬頭,眼睛半張開,督一督森麻手上的紙,之後又閉上眼睛半躺在沙發上。

「喺兩年前,你喺資料庫偷咗兩份文件,點解要咁做?」森麻直截了當的問他。





「小朋友,小心啲講野。偷,係一個好嚴重嘅指控。」

「咁你可唔可以解釋到,點解一直都未交還資料庫嘅檔案?以我所知,資料庫嘅檔案係唔可以帶走。」

「哎喲,我啱啱今朝就醒起去還翻啲檔案。你又可以去查吓監視器畫面。」Calvin的語氣一點也不友善,仿佛是在恐嚇森麻,命他不要繼續追查。

「咁你點解要拎走啲檔案?」

「我果陣想參考一下其他導航師嘅作品,睇完又唔記得還,咁得唔得?」

「你擅自攞走檔案呢件事,我照樣會如實上報。」

「嗯,上報囉,無乜其他事啦嗎?」





「無,今日打攪哂。」

森麻離開Calvin辦公室後,就直接走到同層的我的工作室。順道向我交代一下對質的結果。

「今朝就還咗?實在好古怪。兩年前攞走嘅檔案,點會無啦啦攞去還?」聽過森麻的描述,實在覺得難以置信。

「無錯!遲唔還,早唔還。偏偏係今朝早,真係好奇怪。」森麻雙手托著臉,沒精打彩的坐著。「不過我啱啱核對過監視器記錄,Calvin今朝的確攞住兩份文件入去資料庫。」

怎麼會這麼湊巧?他就像知道我們在調查他一樣,比我們早一步處理好證據。

「我硬係覺得嗰兩份文件係假嘅⋯不過要臨時整份假文件出嚟,都要啲時間⋯佢到底係幾時知道我調查佢架⋯」森麻自言自語著。

我禁不住猜想「會唔會⋯有人通風報信?」此話一出,森麻立刻抬起頭來看著我,眼睛瞪得大大。

「有內鬼?但呢件事得我哋兩個同菲小姐嘅團隊知道⋯佢哋都係合作咗好耐嘅同伴,我唔信佢哋會出賣我。」





「但係你點樣解釋呢個巧合?時間上都未免太過吻合。」

「總之,我唔會懷疑我嘅團隊。我寧願相信我哋比Calvin監聽之類⋯我⋯我仲要同菲小姐報告,今晚食飯先再傾。」森麻若有所思的走了。

話雖如此,但其實森麻心中暗暗的在懷疑一個人,他決定要去問個明白。

———

「菲小姐,你可唔可以老實話我聽,你有無預先通知Calvin話我會去搵佢?」在克里斯蒂·菲的辦公室內,森麻看上去很不忿,露出了小孩子被奪走了玩具一樣的表情。

「我點解要咁做?」

「你唔洗再瞞我,我知道Calvin係你個女,婷婷嘅爸爸。你幫佢都係合乎情理⋯」





「你點知呢件事架?」出乎Christy意料,令她一臉不解的看著森麻。

「你⋯上次公司聚會之後飲醉酒,我送你翻屋企,你係架車度講嘅⋯」

「仲有無其他人知呢件事?」

「無⋯」森麻自知剛才太激動,說了不該說的。

「唔好比其他人知,仲有我無同Calvin講過,無論係婷婷,定係你哋嘅調查。我仲有好多嘢做,你翻出去先。」

「知道⋯對⋯對唔住⋯菲小姐,我頭先激動得濟。」

「嗯,唔緊要,翻出去啦。」

森麻攝手攝腳把門輕輕的關上,心中感到後悔莫及。稍微站在門前沉思了一下,又回到了我的工作室。

「乜你無嘢做架咩?行政部門咁開心嘅?」我調侃著垂頭喪氣的他。

「唉⋯仲以為搵到啲線索⋯點知得個桔。依家仲激嬲咗菲小姐,我今次無啦!我嘅人生要完啦!」

我把腦影像處理器脫下,坐在森麻的對面。「咁又未必得個桔嘅⋯講個好消息你聽。」

「依家無消息係好嘅⋯」他不斷的在發放消極能量,幸好我並未受到影響。

「好消息!啱啱收到通知,Calvin要搵人幫手整Project Noah,而人事部同意咗我嘅申請。」

「哦,恭喜你。」他敷衍的祝賀我一下

「唔係呀!森麻!係Calvin 負責嘅Project Noah!我依家會去幫手!」

「咪話恭喜你囉,我真係無心情陪你開香檳慶祝⋯」

「你唔明咩?我有份負責Project Noah,代表我同Calvin會有好多合作機會!我仲有可能去佢D幢嘅辦公室調查!或者會查到有關佢偷嘅文件嘅資料呢!乜唔係好消息咩?」

森麻一瞬間轉悲為喜,眼睛突然亮了。仿佛剛才那不忿的、沒精打彩的小孩獲得了另一件新玩具般,露出了無比興奮的表情,一下子就變得精神了。

「係喎!咁真係唔係得個桔!」但這個輕鬆的心情只維持了五秒。

「不過,我都係令菲小姐唔開心⋯」他心情又有回到谷底的傾向⋯

「Christy唔會嬲你嘅,聽日買翻個裝飾品向佢賠罪啦。佢唔似係咁小氣嘅人!」我急忙拉著想跳回谷底的他。「不過你做咗咩嘢令佢嬲?」

「唉⋯講咗唔應該講嘅嘢。」

「關於佢個女嘅?佢呢啲女強人,屋企人應該係最敏感嘅話題⋯」我裝作專家在分析目前的狀況。

「你又點知佢有個女?」

「有一次我喺街度撞到佢哋,仲有同佢哋傾咗兩句添。不過呢⋯Christy好似無結婚⋯唔通佢係單親媽媽?」

「唉⋯唔好提⋯我咪衰咗係呢度⋯」森麻揉著額頭,一臉憂愁。

「等我估吓先,你得罪咗婷婷?你整親佢?定你整喊咗佢?」

森麻搖搖頭。「唔係呀!唔講啦!」

「哦!我知喇!唔通⋯你就係婷婷嘅爸爸?」

「咪亂講啦你,我又唔係calvin!」

話音未落,森麻已經把口掩著說「我咩都無講,你咩都聽唔到!」接著就急步離開了,剩下我一個人在工作室中驚訝。

———

時間回撥至森麻與Calvin對質後。

森麻剛踏出房門,Calvin立刻就在他辦公室中撥打了通電話。

「今次辛苦哂你,估唔到兩年後仲要麻煩到你。」Calvin對電話那頭的人說著。

「⋯」

「全靠你及時話我知,我先夠時間偽造兩份文件,再扮交還翻去文件庫。」

「⋯」

「唔係,唔好咁講。你有好大功勞。」他站起來走到窗前,從窗中凝視著遠方。

「⋯」

「係呢,今個月嘅生活費,收到未?」

「⋯」

「咁就好,如果之後有咩消息,希望你都可以第一時間通知我。」

「⋯」

「當然我相信你會咁做。畢竟,我哋嘅目標都算係一致⋯

⋯柏月嘅媽媽。」


(待續)
已有 0 人追稿