[前傳]是咁的，我嘅職業係幫想自殺嘅人寫遺書: 75.沈默
「你問我點解要自殺⋯⋯」
依個女仔係貨真價實，唔係偽物。
自殺並唔係為求關注，亦唔係要脅嘅籌碼。
當不得不承認bobo可以自殺，而佢又有能力自殺嘅時候，我嘅妒忌已經燒毀咗理智嘅保險絲。
點解你咁幸福？無人詛咒你？
但事實上，被家姐詛咒嘅我比佢更加幸福，點解當時嘅我無辦法察覺得到？
無人叫你生存落去，同無人愛，係無分別。
「其實要講，我諗任何野都說服唔到你。就算我講到幾慘，都仍然有『慘都唔駛自殺』嘅反駁。」
bobo繼續講，而我繼續沉默。