[前傳]是咁的，我嘅職業係幫想自殺嘅人寫遺書: 76.死囚

「所以，點解要自殺，係因為⋯⋯」

我想死。依個理由夠充分未？

「屌你係咪玩野呀！咩叫想自殺係因為想死！」我好似爛仔咁拍枱起身，因為駁斥唔到而憤怒。

mocha表面因震盪而晃動，濺出幾滴暖咖啡。

我大口抖氣，盯住從容不迫嘅bobo。

佢無力咁笑一聲：「我唔寫喇。唔好意思。」

佢個樣，就好似望住旁人向佢吐口水嘅死囚。