蔣生生慢慢地走過握緊我手,暖和既佢、令我感覺到至陽既溫暖。 

「估唔到你阿爸擔心既事、最後都發生左,黎、你過黎坐低先!」 

阿爸?又關我阿爸事? 

跟左佢去內堂一間房到、卻發現原來這裡竟是他的住所。 

佢比一比手勢、示意我坐佢對面,我拉開椅坐左係到望住佢。 





先搖一搖頭既佢,又再伸手捉緊我、眼神流露出複雜既心情,大概是激動悲憤之類吧。 

「諗返起廿幾年前、草仔你個名係我幫你改架,我算你五行欠木,要如日方中、日京草個名最適合不過。」 

果然係佢,細個我仲有一刻想搵幫我改名條友出黎、問下因咩我個名咁怪,估唔到係真係到眼前、我又問唔出口。 

但以上都係等閒事,究竟因咩個世界會變成咁,我諗我想知既『諗樣』都已經寫哂係塊面到。 

「你記唔記得,係你六歲果年、你大病一場?」 





「唔記得。」 冇,我真係完全冇印象。 

「我只係一個風水命理先生、亦唔懂任何方術、法術,當時發緊高燒既你送左去醫院之後,你阿爸黎搵過我。」 

「我幫你算過、果次唔會有咩危險,但你阿爸唔放心、想我幫你做一次『大批』。」佢飲左啖茶、嘆左口氣再繼續講。 

「『大批』既結果令我非常詫異,我地做風水命理既、會因各種因素而為善信指出將來『最高』可能性既事,但只係最高可能性、唔係百分百。」 

「但你果次既『大批』掛像出黎既意思係……你極接近『絕對』會係廿五果一年有一『浩劫』。」 





「以數學來說、就是99.9999以止盡的百份比可能性。而重要的是、『浩劫』一詞常指既係『國運』、『家運』,甚少指『人運』。」 

「換句話來說,你廿五歲果年會發生既事、影響到既絕對唔止你本人咁簡單。」 

嗯,這年的我,正剛好踏入了廿五歲,一個月。