蔣先生同我講,佢理解唔到、係因為佢係冇比『人』發現所以冇消失定係真係有車公照住。 

佢仲話,雖然我咁做好危險、但已經係冇辦法之中既辦法,有趣既係、佢查翻典籍既時侯,見到有幾戶人既先祖追源溯流竟然可以同日本扯上關係。 

日本係一個比較特別既民族,有一說指當年秦始皇派徐福東征搵藥、帶左過千靈氣過人既童男童女過去。 

一去就冇返過黎,而其說法就是日本當時並未有太多人,個堆靚仔靚妹就成為左日本人既始祖之一。 

更由佢地創左一套中國從未考究既祈福、祭祀方法,所以以香港既風水師傳去睇日本既神格佈局等同於雞同鴨講。 





蔣先生笑住咁同我講,佢都唔知真定假。 
而我都一笑置之、傳說既野聽多無謂、亦都無從稽考。 

我係蔣先生到食左啲野之後,就從車公廟既後門出發。 

係出門口果一刻,我深呼吸左一口氣。 

因為,每當我閉起眼就會諗起果對嚇人既雙目--通體純黑、不詳、詭異。 

難得有個地方令我可以歇一口氣、真係太想離開這個溫床。 





我將門推開少許、用只得門縫大小既視線左右探望,我生怕、怕那群黑目的連這裡也設下埋伏。 

望左陣、見到四周應該乜人都冇我先放心行出去。我唔係好清楚我驚咩,但就係與生俱來果陣原始既恐懼感,果陣獨有、詭奇既『獨獨』聲,直教我發寒。