[誤墜]係獅隧口落車 就出左事: ３４

路並沒有太迂迴，我只係抄左條一徑、避免係馬路大搖大擺。 

奇怪在，途經既水流本來清澈見底、我細個仲飲過（大左唔敢）。 

竟然變了黃泥色、橙橙的，有種強國污染物流出既感覺。 
 

但我已經無暇後顧，因為時間唔等人、以冬天日短夜長，五點幾都應該差唔多天黑…… 

五點幾……岩岩好，由我沉日決定貪玩行這條路開始計、剛廿四小時，早知、我就唔應該貪玩。 





＊ 

抄小徑既我經過左新田村，行近到新翠、新田圍之間既長梯，我又好似偷左野咁、窺個頭出去。 

發現原本係梯間埋伏，準備將我捉住既黑目人、早已經煙消雲散、無影無蹤。 

有一種感覺比有人正面拎刀對住你更加恐怖，當你唔知佢幾時會出現、係邊到出現，但永遠如影隨形。 

眼下睇唔到去左邊既黑目人，比這種恐怖更勝一疇。 





記得，果次同佢搏老命，比我整爛左個口罩既黑目人好似會突然好辛苦……又點解會咁奇怪？ 

我企左陣，確定真係冇人就一支箭衝左過去金獅花園旁既隔田村入口。 

唔知你有冇試過半夜行返屋企？每次經過泊係路邊既車我都有種奇怪既感覺。 
硬係覺得車入面係有人，而且望住緊你。但你一擰過去，又只係得個空左既駕駛座…… 

果種『凝住』有人望我既感覺，鮮有地係日光日白既隔田村入口再次傳來。 





唔夠十個鐘之前先話自己好彩有命走返出黎，而加又要中返個頭入去、真折墜！ 

奇怪！由上次跑出黎果陣已經見到，但之前都唔覺、點解條村咁多白色既花？ 

 

即使大小、數量不一，總會係路口、路邊出現，好似有意思既咁。 

不過、眼前最緊要既係通過這條應該是黑目人根源地既『隔田村』先……