[誤墜]係獅隧口落車 就出左事: ５６

沿路跑返去，經過左個公園仔體力已經開始唔夠。 

除左擔住個細路女、仲要用盡全身力氣去跑，冇做開運動既我絕對已經係極限。 

我唔似啲其他既故事、電影既主角，無人夠主角打、得主角識諗野其他人係智障咁。 

諗落諗落、咁多次決定以黎，我都好似冇次係揀得正碓既，劑劑都會出事…… 

見冇人追上黎、我開始慢左落黎、開始大口喘氣。 





「哥哥？」我肩上既細路女無啦啦叫我。 

一早當左佢係件貨、沙包，托左既膊頭既我，聽到佢突然開聲、嚇到差啲跌左佢落地。 

其實每次聽到佢叫我，我都會好驚、可能第一次見到黑色既雙眼令我嚇破膽既恐懼來源就係佢。 

大概就係類似『心理陰影』既野，令我一直都未再有膽量直視佢對眼。 

我『嗯？』左聲，但腳步唔可以停落黎。 





「你好似好攰咁，不如放低我？我大個女識自己行。」 

估唔到佢要講既野係咁喎！諗落又冇壞，捉實啲、今次唔會再比佢咬到！ 

我就放左佢落地、繼續行。「我地返緊屋企？」細路女望住我講。 

「係，就到。」 

「哥哥，你好犀利、知我屋企係邊。其他哥哥都話唔識路。」 





原來個細路女真係乜都唔知……仲要比身邊人呃緊。 

唔知比咩反應佢好既我決定沉默，我唔知個細路女理唔理解到究竟發生緊咩事、但殘忍既事實又係咪應該同佢講？ 

之前講過、獨棟小屋－－『潘朵拉的盒子』就係白祠唔遠既地方。 

我走出公園就必需經過白祠……我無勇氣望入去，我怕見到白大叔嚴苛既雙眼、怕佢見到佢個女唔係我身邊。 

沉晚了解左件事既我，曾經以為我係奇幻故事入面既主角、英雄救美、勇破邪惡，但原來我只係一個廢柴。 

即使我無任何特長、唯一既係，我有一個完全信任我既女仔等住我，我要阻止件事、救返佢出黎！ 

諗住，我就再加快腳步，行入去獨棟小屋！