[誤墜]係獅隧口落車 就出左事: ６９

望住阿爸行入房，令我有種莫名其妙既違和感…… 

咦？咁小白呢，小白去左邊？ 

『鈴鈴、鈴鈴』廳入面既風鈴好似比人擺弄緊、發出幾聲清脆鈴響。 

我行返入廳，見到一個望住窗外既白色背影。 

月色映照出一個光潭，落於眼前身穿白色連身裙既女少。 





「小白－－？」我輕輕叫喚眼前白裙少女…… 

佢稍稍轉頭過黎，我只看到小白的側面、但亦見到純白的眼晴伴隨既係肅穆既面貌。 

小白無笑，反而一臉哀傷、但手上依然拎住熊公仔『阿壯』。 

「你頭先同邊個講緊野？」小白問。 

「阿爸囉，佢頭先先行入房、你見唔到咩？」 





話說，除左頭先、點解阿爸今日全日都無出過房門一步既？ 

「無、無人經過。」小白慢慢走過黎。 

咪玩啦，阿爸岩先叫住我早啲訓。 

「阿壯！聽我講－－」 

「你唔係同我講過，世伯係一早過左身喇咩？」 





一陣惡寒走偏我全身。 

我終於明白，點解我唔習慣比反應我阿爸…… 

根本阿爸一早就已經唔係到！ 

「你有無諗過、點解我地返黎果陣點解個花洒會開住？ 
－－點解我呼吸既問題會返到黎之後再無發作過？」 

一個黑漆寂靜既小廳，只有一個雙眼純白既女仔、同埋一臉茫然既我。 

氣氛扭曲、詭異到極點，不知不覺間已經蔓延全屋……

掛牆鐘『滴塔、滴塔 』的響，為鴉雀無聲的小廳、以及對視的兩人配上詭妙的背樂。





小白放棄迫我理解眼前事實、拎起我廳既室內無線電話，胡亂按左幾個號碼、按下通話。 

一步步走過黎，將電話放係我耳邊…… 

『逢！逢！』 

沙沙沙……「你……」沙沙沙… 

「去……嘟嘟嘟……走！」 

「又…嘟……快！……等！」 

「獨、獨獨、獨獨獨獨獨獨」 

奇怪既合成聲再次出現！我嚇得跌坐梳化上…… 





「無論你打邊個電話，通左之後都係會聽到咁既聲。」 
「現在，你懂了嗎？壯？」小白臉上掛上悲傷。 

嗯、大概懂了－－會出現這個現像的話只有一個解釋……

這裡－－我的家裡，仍然是『界』內。