Welcome to Knot ~ Season 2: #109

雖然同路比及靖傾咗一場看似無咩結論嘅計，但的確，傾完之後感覺係舒服咗好多。
同路比再confirm一下啲細節，就送咗佢哋走。
 
返上樓上，係我返入去1號房之前，我先叩一叩自己嘅房門。
我知我對啫喱唔住，所以宜家我唯一可以做嘅，就係盡我能力，係炸彈未爆之前，去幫佢拆咗落嚟。
 
門開，Scarlett探咗個頭出嚟：「Oh Sky！I though it's Jerry！」
「唔好意思，今晚成晚都打搞住你。我想拎啲嘢，方唔方便入嚟呀？」
「Why not？！Come in！」Scarlett側身俾我入房。
 


「Actually～」Scarlett仍然企咗係門口附近「Do you need any privacy？我可以落樓下等陣架！」
「呀…唔駛住，其實我都有少少嘢想同你講。」拉開小餐枱旁嘅凳坐低，亦都示意Scarlett坐低。
Scarlett坐咗係我對面。望住面前嘅混血美女，如果唔係因為Taz見到，我真係唔會聯想到佢同BDSM有咩關係。
 
我決定開門見山咁問Scarlett：「Scarlett，我想問…你…係咪BDSM嘅愛好者？」
「What？！」Scarlett嘅大反應，係喺我預期之內嘅事「哈哈…哈哈哈哈！」
但係佢嘅大笑，同起身離座嘅動作，就係我意料之外嘅事。
Scarlett行咗去自己個行李喼到，搵咗啲嘢出嚟。
 
再回到小餐枱，Scarlett將幾本書放咗係枱面，再坐低望實我。


我望住枱面堆書，所有嘅封面都係關於BDSM。
我抬頭誠懇咁望住Scarlett：「我冇任何嘅歧視，我自己都係性小眾之一，我絕對明白唔被接納嘅痛苦。所以你這嘅偏好，我完全尊重。」
「嗯…OK！」Scarlett揚一揚咀角「So what's the point？」
 
我深呼吸左一啖氣：「咁…你係咪對啫喱有興趣？」
「哈哈～」Scarlett又笑「Well！I won't deny，我唔否認。佢的而且確有啲可以吸引住我嘅地方。」
「Scarlett，但係啫喱佢…唔係、甚至唔好BDSM！」我作出最後嘅一擊「你唔可以傷害到佢，或者要佢做啲佢會覺得唔舒服嘅事！我知BDSM嘅大原則係要你情我願，但係如果你迫啫喱，好有機會大家都唔會開心。」
 
「Sky！」Scarlett上身向前傾「你同Jerry係咩關係，佢嘅事，需要到你去理？」
「佢係…我嘅好朋友。我有責任保護自己嘅朋友！」我顯得有啲理直氣壯。


「真係只係朋友？！」Scarlett 不屑咁一笑「No kidding Sky！你覺得我會信？！」
 
「Anyway！總之你唔好騷擾到啫喱嘅生活！」唔知點解，我都同佢傾到有啲燥燥地。
「Easy Sky！」Scarlett一手搭住我放咗係枱上的左手「Be Honest！我唔止對啫喱有興趣，我對你…興趣重大！」