安坐係啫喱架Jeep入面。
一車三人,都無人講過一句說話。
似乎我哋三個人,都各有自己嘅心事。
 
坐係前座嘅乘客位,我以左手托頭,呆呆咁望住車窗外嘅風景,但係思緒已經飄咗去台灣。
路比坐咗係後座,戴住黑超嘅佢,根本唔知係望緊風景,一或係已經瞓著咗。
啫喱專心咁揸車,但眉心明顯皺埋一齊,係擔心緊我嗎?
 
為咗解開悶局,我㩒著車頭嘅音響,亦好順手咁㩒咗落Random制到。
車上嘅擴音器播出音樂…


 
「……若我 一天公開明目張膽的愛
我怕會讓你 太意外
我的愛 只願縮到最小 彷彿不存在
就算 我最愛你 情願好好遮蓋
我怕揭露了 不精彩
拆穿了 總盼望誰在意 蜜月難再
如若你發覺有我在 就結束暗戀的時代
無謂去博你憐愛 明白叫你太煩的 不是愛
如若我也有權愛 同樣我也有權揀 怎樣愛……」


何韻詩嘅歌聲一路充斥住車廂。
從倒後鏡中見到,路比係後座顯得有啲坐立不安。
無幾耐,就見到佢跟住音樂低聲一齊唱,似乎呢首歌佢好like喎。
 
音樂轉了。
由何韻詩,轉為一把男聲。我認得,是陳百強…
「……就算愛沒有不對  怎麼不可相對
這愛即使不可一世 仍願意將心永許
就算愛沒有不對 兩心相向不去
妳我偏分開這麼遠 但我始終會 ... 每日想妳想妳


ooh how can I tell you
how much you mean to me
我是相信 , 絕對的相信 
人不死 , 情不休 , 緣份不可擋
愛絕不輕放 
情無論在多遠 仍在夜風中為妳呼喚千百次
and here's a song I sing for you
till we meet again a dedication
a dedication to the one my love……」
好彩宜家係一條大直路上,啫喱由雙手揸軚,變成只有左手揸,右手托住頭。
 
音樂完結,再轉為一把女聲…
「……沿途幾多障礙 埋頭撞向未來
閉上呼吸跟你墮進深海
歷劫都不能離開 人生有太多意外


攀不過斷崖 如何相愛
旁人怎麼對待 仍然撞向未來
決意今生跟你被愛淹蓋
若世界不容人 不失氣概
進或退 我們都不踐踏愛……」
 
呢首歌,深深咁打入咗我嘅腦入面,歌詞就好似講緊我同…Ocean?Kyle?定係身邊嘅啫喱?
 
「呢首歌…」係我先開口「叫咩名?」
「只要和你在一起。」啫喱回答。
「咁邊個唱?」我再問。
「連詩雅。」今次係路比。
「只要和你在一起…」我暗暗默念住歌名。
「做咩?」啫喱同路比同時問。
「呀…好聽囉!」


 
啫喱伸手扭細音樂:「Sky!去到個邊,萬事要小心。有咩事唔好一個人撐。有需要打俾我,我點都會過嚟幫你。」
我笑:「得喇!放心啦,我好快返。」
「路比。」啫喱由倒後鏡望向路比「你自己都小心,睇住Sky,唔好俾佢亂嚟。」
「得喇長氣!今日你講咗好多次喇!唔好唔記得我假假地都係個警察!」路比嘅語氣,明顯係覺得啫喱太過囉嗦。
 
點解個個都覺得我過台灣會有危險咁?
雖然…我都唔知會有咩係個邊等緊我。
已有 0 人追稿