Welcome to Knot ~ Season 2: #176. 啫喱

係OC客房張床到輾轉反側，無論點都係瞓唔著。並唔係生保床嘅問題，而係我真係有太多嘢要諗。
我好清楚我一直當小敏好似個妹咁，我對佢絕對冇非分之想。反而我好想幫佢快啲搵到個歸宿，因為我知道，佢本性並非如此。
如果好似Jazz咁講，Kay真係一直暗戀緊小敏，我覺得我好應該做返啲嘢幫下佢哋。
至於Sky…係咪真係如Jazz所言，係我個人太婆媽拖拉，先搞到今日咁嘅局面呢？
如果我一早就同Sky講清楚，件事會唔會搞到無咁複雜呢？
如果我唔需要介懷Sky放開咗心結未，早啲同佢一齊，咁今次返嚟台灣，佢會唔會選擇叫我陪佢呢？
又如果…
其實，呢個世界又邊會有咁多如果…
 
第二朝瞓醒，我要處理嘅第一件事，就係先搵咗Cyan。


由小淇俾我嘅地址，我搭的士嚟到Cyan公司樓下。坐咗係Coffee Shop等咗陣，Cyan就已經落咗嚟。
「Sorry啫喱，要你久等了。」我先請Cyan坐底，打算問佢要飲啲咩。「不用了。對不起，老實說，我只有15分鐘。所以不好意思，要你長話短說了。」
對於自己一時嘅任性，我真係覺得勁唔好意思:「應該是我要說對不起，這幾天你也辛苦了。好，就長話短說。我想了解一下，Sky打算做什麼？我是指她對OC有什麼實際打算？」
「嗯！？這你為什麼不直接問她呢？」Cyan疑慮著。
「因為那丫頭是不會回應我的。我也有想過問那律師，但我相信佢只會耍我吧！」
「也是。Joe可不會輕易透露客戶的資料的。」
「所以，我只好拜託你了。」我雙手合十，希望Cyan可以幫到我。
「…Sky和我說過，希望把OC轉到我的名下，但我拒絕了。OC可是Ocean留給她的最後一份禮物，我可不想糟蹋了這份心意。我告訴Sky，OC仍可以過去一年的營運方式來經營，她仍會是OC的老闆娘。」
「即是…什麼也沒變嗎？」Sky嘅心結，似乎重未解開。
「也不全是…」Cyan望咗望手錶。「Sky接受了我的建議，但要求把她和Ocean的房間-海天相連也開放作民宿租用，唯獨那面 壁畫不能作出任何修改。」


「我明白了。」我企咗起身，同Cyan撏咗握手。「Cyan，麻煩你了。謝謝你！」
 
送走咗Cyan，我坐底慢慢嘆我嘅咖啡。
唔可以修改個壁畫，但房間就可以租出去。咁做，代表咗啲咩呢？
係代表佢已經放開？定一或重係未放底？
再飲咗啖咖啡，先發現呢到啲咖啡好難飲。又或者，我嘅口味一早俾Sky佢寵壞咗。
 
哈哈～係，一定係咁。寵壞咗！既然已經去到呢個地步，似乎我都只有呢一步可以行。
打咗幾個電話，望望錶，時間都差唔多喇，係時候返去OC處理埋其他事喇！