《燈靈》: 2.3
醫院，阿彩的病房裡。
已經很多個小時沒有進食和睡覺了，卻竟然一點感覺也沒有。
當腦海中的往事播放完畢，醒來過後，納悶的感覺再次湧現於心頭…
想起也覺好笑，以前總覺得廿四小時也不夠用，現在卻有種度日如年的感覺，很想時間能快一點過去。
已經來到凌晨時分了，今日只收集了一盞靈燈…
如此萎靡不振，到底所為何事？
不想快點醒來嗎？當然想，但…就是有種說不出的懊喪，也許是因為阿彩仍然昏迷不醒的緣故吧。
假如我甦醒過後，阿彩卻仍然昏迷不醒，那怎麼辦？假如阿彩醒不過來，那我的人生還有意義嗎？
原來，於我的心目中，她是佔有如此重要的位置嗎…為何以前沒有察覺？
一直以來，她的存在和相伴彷彿都是理所當然…她跟了我已經十四年了，作為女朋友，絕對是無可挑剔，相反地，需要遷就和包容的人其實一直都是自己…
為何還喜歡我…我這種無賴，是話你蠢還是很偉大？
「呼啊...」我沮喪地嘆氣了一聲，然後走到位於醫院底層的急症室。
醫護人員從救護車中抬出病床，床上躺著了一位老伯，他雙眼反白，面容扭曲，口吐白沫，全身抽搐，狀甚辛苦，頭頂上的靈火漸漸由盛轉弱。醫生和護士們立即為他進行搶救，我只好站在白色的布簾外，生怕透明的自己會妨礙他們工作。
過了幾分鐘，護士打開了布簾，木無表情的醫生跟身旁的護士說：「通知佢家屬黎見佢最後一面啦。」這時，我看見伯伯的頭已被白布蓋上，頭上的靈燈已失卻了靈火。
靈火燃盡，意味著撒手人寰。
雖然老伯與我無親無故，可是人有惻隱之心，望見一個人在自己面前死去，難免會感到一點點傷感。我掏出了靈冊，並走到了病床旁邊，手輕輕握著老伯頭上的靈燈，然後旋扭了一下。
「咔嚓！」
靈燈頓時化作了點點星光，並飄揚於病房半空，籠罩著整個房間，最後如煙花的火屑般緩緩落下…
悲涼中帶點夢幻，作為對老伯最後的祝福，相信最好不過。
我打開了手中靈冊，老伯的名字叫陳振華，享年八十三歲。
安息吧，一路好走。
這是我所收集的第二盞靈燈。
這一晚，我照舊逗留於醫院內，漫漫長夜，獨個兒坐在急症室大堂的椅上，看著醫生護士一整晚忙個不停，看著神色哀傷的家屬前來見某人的最後一面，看著面無血色的病者半夜三更前來看症…
而我，則看著牆上大鐘的時間一分一秒地逝去，偶爾前去收集一下急症室內那些搶救失敗的人頭上的靈燈。
經過這一夜，靈冊上的名字，總共多了二十多個。
太陽升起，新的一天即將來臨，看著黎明逐漸將黑夜驅走，心中竟感到了從未有過的安然。
假如陽光象徵著大地的希望，阿彩便是我生命的精神支柱。
返回阿彩病房的途中，身後突然出現了一把熟悉的男聲：「嗨！」是阿飛。
「今次無嚇親你啦！？」
「無...」我若有所思。
「有心事？」他照舊一副嘻皮笑臉的模樣。
「唔係啊…」我深呼吸了一下，抖擻精神。「我要上去睇睇我女朋友啊。」
「好啊。」
然後，阿飛跟隨我一起來到了阿彩的病房。
進門後，晴天霹靂的感覺…
阿彩…終於都醒過來了！
「你終於都醒喇！？」我開心得幾乎要流淚，而她當然是看不見和聽不到我。
阿彩輕搥著自己的額，眼睛如初生嬰兒般半張合，神智像是還未完全清醒。
「我女朋友醒翻喇！」我回頭跟阿飛說，現在他是唯一一個能夠跟自己分享喜悅的人。
「咁咪好囉。」阿飛笑了一下。
「我去叫醫生先…」
「點叫？佢地都睇你唔到。」
我高興得忘記了自己的身份。
阿飛繼續說：「等吓啦，護士應該就快巡房架喇。」
果然，過了一會，護士進來了，她發現阿彩的醒來後，便立即前去召醫生，醫生來到後，立即為她作了些基本的檢查。
平躺於床上的阿彩氣若遊絲地說：「呢度…係醫院？」
「係啊。」醫生舉起了單手，並伸出了三隻手指：「呢度有幾多指手指？」
倒吊著的阿飛插口：「五隻囉。」
阿彩：「三隻。」假如她答五隻便慘了，肯定被醫生判定為神經質。
醫生又問：「你記唔記得自己叫咩名？」
「我叫…梁美彩。」
「知唔知自己咩事入黎醫院？」
阿彩一臉惘然地搖了搖頭。
「咁你記唔記得自己失去知覺之前，係做緊啲咩？」
「唔記得…」阿彩苦思著。
「唔緊要，唔好勉強…」醫生跟護士打了一下眼色：「你休息吓先，等陣我會再同你做個詳細啲既檢查。」說罷，他們便離開了病房，於是我也跟著出去。
「病人個腦曾經受過輕微既震盪，雖然而家已經醒翻，思路方面睇落亦清晰，但就可能出現左短暫既失憶。」醫生一邊說一邊翻閱著阿彩的病歷報告。「通知佢屋企人，話俾佢地知梁小姐已經醒翻。」
「係！」護士唯唯諾諾的點了點頭。
一個多小時後，鬆獅…阿彩的媽媽來到了。
「阿女～你終於都醒喇？」未來岳母表現激動。
阿彩卻沒有太大反應，反而面露疑惑。
「你見點啊？」未來岳母握住了阿彩的手。
「你係…？」阿彩狐疑。
「吓！？」未來岳母顯得有點慌張：「阿女你唔好嚇我啊…我係媽咪啊！」
「我係你個女！？」阿彩緊皺著眉，像是感到十分頭痛：「點解我會入左醫院？」
「你同阿男坐巴士去機場既途中，遇到交通意外呀嘛…」
阿彩一臉困惑：「阿男…係邊個？」
我是誰！？我是你的男朋友啊！
這時，醫生和我媽也一同進來了病房。
媽高興道：「阿彩你醒翻喇，真係太好囉！」
阿彩又是一臉惘然：「你又係…？」
「佢係阿男既媽咪…」未來岳母憂心不已：「你無事啊嘛！？點解你好似唔記得哂啲野咁既！？」
醫生為阿彩作了進一步的檢查後，說：「兩位方唔方便出去傾兩句？」
然後，三人一起到了外面。
醫生解釋：「以目前既情況睇，梁小姐既身體並無大礙，但由於腦部曾經受創既關係，部分腦神經細胞可能遭受到破壞，導致記憶既整合功能暫時無法正常運作，所以出現左局部性失憶…簡單啲講，梁小姐而家可能失去某部分原有既記憶，如你地頭先所見，佢仍然知道自己係邊個，但就忘記左你地兩位…至於梁小姐失去邊部分既記憶，就要作為身邊人既你地去探究一下。」
「吓…咁我個女會唔會永遠都係咁架？」未來岳母。
「世事無絕對，過往有唔少病人都曾經患上過局部性失憶，但最後都能夠記得翻哂所有野…當然都有失敗既例子。」醫生一臉從容。。
「咁佢幾時先會恢復翻失去左既記憶？」媽問。
醫生說：「呢點我答你唔到，因人而異，有啲病人要過好多年先恢復翻小小記憶，但有啲病人喺醒翻後無幾耐就完全好翻哂…其實家屬係擔當住一個非常重要既角色，撇除藥物，就只有你地先可以幫助到病人。病人出院之後，可以嘗試俾佢接觸翻一啲佢以前接觸開既野，藉此刺激一下佢既大腦，等佢可以盡快恢復原有既記憶。」
「唉…點解會搞成咁架...阿男唔知幾時先醒，阿彩而家醒翻喇，但係就失左憶…」未來岳母痛心得哭起上來。。
這時，體內彷彿有股澎湃的力量運行於全身。
「阿飛，幫我！」我握緊了拳頭。
「嗯！？」
「我要盡快收集哂呢二千盞靈燈，令自己快啲醒翻，等佢地唔使日日替我擔心。同埋阿彩出事嗰刻，佢係同我起埋一齊，加上我地一齊左咁耐…話唔定我先係令佢恢復記憶既關鍵！」我激動地說。
「哈！好啊！有魄力係一件好事！」阿飛解除倒吊狀態，站著說：「咁你想我點幫你？」
「有關收集靈燈既事，一次過講哂俾我知！」
「好！」
然後，我們又來到了天台。
「點樣先可以用最快既速度收集靈燈？」我問。
「其實每日最多人死既地方就係醫院，喺醫院守株待兔其實係一個唔錯既方法。」
「我都知，但係…」醫院裡死的人還是不夠…這句話，看似有點冷血和不人道，很難開口。
阿飛閃到了我身後，笑說：「但係覺得唔夠呢？」
「係…」我感到慚愧，彷彿要以別人的死來換取自己的重生。
「哈！唔使內疚喎，你只係負責收集靈燈，每個人都有佢自身既命運，啲人死又唔關你事既。」
「嗯。」我微點頭，好像釋懷了一點。
「根據測靈儀既指示去做啦，不過…想提高效率既話，就一定學識『瞬間轉移』先。」
「咁請你而家教我。」我表現得異常認真。
「用念力。」他用雙指按著自己的額側：「諗住你想去既地方，但呢個地方一定要係你曾經到過既地方。」
我模仿著他的姿勢：「個姿勢係咪咁？」
他不語，只是掩著咀笑。
「係咪要加埋大叫口號？」
「其實兩樣都唔使，哈哈！」
「咁點解你次次都…」
「嘻…你唔覺擺Post加嗌埋出黎，成件事即刻變得有台型啲咩？」
「......」我感到無奈。
「咪咁啦，做鬼悶呀嘛...苦中作樂既野，你唔會明架喇。」
「……」可能吧。
「講翻正經野先…你一定睇過龍珠啦？」
「有啊。」
「幻想自己係孫悟空，腦入面諗住自己想去既地方，然後運用念力...」
我閉上眼，幻想著自己一身橙色的戰鬥服，下一刻便要瞬間閃到…
自己的家裡。
嗖！
身體感覺到了一下輕微的震盪。
睜開眼的時候，發現眼前的地方正是自己家的房間，一下子便成功使出小時候那夢寐以求，且現實中無法做到的神奇技倆，此刻富有滿足和成功感。
「你間房都幾亂架喎…」阿飛突然出現於我身後：「仲成檯鹹碟添，唔怕屋企人見到架咩？」
「哇！」我被嚇了一跳：「你點解會喺度架？」
「點解我唔可以喺度？」
「呢度…係私人地方黎啊嘛，你點可以隨便入黎架！？」
「車！我鬼知你會閃去自己屋企架咩…不過睇唔出你學野都幾快架喎。」
「使乜講！但係…你唔係話『瞬間轉移』所去既地方要係自己曾經到過既地方咩？」
「係啊，無錯。」
「你都未黎過我屋企，點解你可以出現喺呢度？」
「我頭先用嗰招叫『眾裡尋他千百度』…」阿飛擺著手，晃著頭，語氣和動作像是個正在吟詩的詩人。
其實，有必要改一個這麼樣的名字嘛…
「順便教埋你喇，同樣都係用念力，諗住你想搵既人，然後配合埋『瞬間轉移』將自己傳送過去呢個人身邊。」
「咁複雜既…」
「用呢招都係有一個條件，就係呢個人一定要係自己親眼見過。」
我想著阿彩，然後運用念力…
神奇的事發生了，腦海中竟呈現了一個第三人稱畫面，當中有點模糊，但我認得，畫面中的人正是阿彩，位置是醫院的病房裡。
嗖！
感覺很爽！彷彿變成了科幻電影中那些能夠超越時空的男主角一樣！
鏡頭又轉回到了醫院。
「太神奇喇！」我不敢置信。
「果然係青出於藍，你真係好有做鬼既潛質。」阿飛又突然出現。
「我先至唔恨做啊！」
「哈！」
我望著阿彩：「阿彩，等我啊！我好快就可以醒翻架喇！」然後旋即閃到了醫院的天台上。
「我有個問題，你話燈靈唔止我地兩個，咁如果我唔小心跌左本靈冊，俾其他人執到咪大鑊？」
「好問題，孺子可教！哈哈哈！」阿飛發出了豪邁大笑，兩秒後，突然又回復正經：「首先，如果發生左一件咁既事，我建議你繼續留喺度做鬼。」
「……？」什麼意思。
阿飛又說：「因為如果連咁重要既靈冊都可以整唔見，你真係唔死都無用。」
「......」我擺出了一張狗屎臉。
「另外，靈冊係同我地既靈魂係互相綁定，只有靈冊本身既持有者先可以使用…換言之，就算其他人執到你本野都係無用…你打過機應該都知架？有啲裝備一著左上身，就永遠都只係會屬於自己，俾唔到人。」
有道理。
「不過有一個例外，但遲啲有機會先再解釋你知。」
「哦…」我點了點頭。
「加上，就算真係跌左都唔驚。」說罷，阿飛將自己的那本靈冊從天台拋了出去，靈冊直墮向地面。
「我吒！」阿飛手腕一轉，靈冊再次回到他手中，儼如變戲法。
「一切都係念力。」他雙手插進褲袋，正經八百地道：「只要念力夠強，無野做唔到啊真係。」他收起不正經的時候，竟流露出不經意的男子氣慨。
「當然，如果你話想將天空上面架飛機打落黎，我可以話俾你聽，咁係絕對無可能發生既事…哈哈！」他仰頭狂笑，頓了頓，又狂笑：「哈哈哈！」這種神經質立時令他霸氣全失。
「其實仲有招叫『攝魂術』，不過仲未可以教你住。」阿飛。
「個名咁Chok既，好似幾勁咁喎？」
「當然勁啦，我自創架，專喺危急關頭用架！」他輕掃了鼻頭一下，一臉自滿。
真不明白，為何阿飛能表現得如此輕鬆，做鬼真有那麼快樂嗎？
抑或是我的道行不夠高？
無所謂了，二千盞靈燈的搜集任務，正式開始。
靈燈數量： 26盞