＜＜紋身師──存於平泊殘缺的瑰麗＞＞: 第三章：策劃與執行

　　「你個計劃好完美，如果實行到既話。」中年男吹出一口煙，煙霧在這後樓梯久久未散。

　　「太多變數喇 。」他再補充一句。

　　「必要時，我交佢比你囉。」大飛在口袋裡拿出一個布偶。

　　「哇，隻野咁樣衰你就收番埋啦。」中年男一臉厭惡。

　　「咁你唔打算去外國拿？」





　　「我打算入監獄。」大飛狡猾的笑著。

　　「飛仔，你仲後生，有好多野你都未識，入到去有排你受呀。」

　　「呀肥都會陪我。我唔怕。」大飛用力的吸了一大口煙。

　　火光頓時發亮的刺眼。

　　「你旨意佢，佢淨係諗住食架咋。」





　　「喂，你兩個煲夠煙未呀，番黎切乳豬喇！」呀肥在防火門外張大嗓門呼喚二人。

　　「拿，我話左架啦。」中年男掉下抽到一半的煙跺了一腳。

　　大飛苦笑，卻繼續坐在梯級間發呆。

　　「你番去先啦，我想一個人靜下。」

　　中年男一貫的邊走邊舉手說：「唔好留咁耐呀。」





　　「丫，係呀，我個火機比Ｂ女沒收左，你試下幫我拎番丫，得你哄得掂佢架咋。」中年男的聲音隨著梯級漸漸變細。

　　「白頭佬！接住！」大飛把手中的火機一把拋到遠處中年男的手上。

　　「仆街仔丫，我接唔實會爆炸架！你呢啲危險人物真係拉去坐監好過。」雖則口裡說著狠話，但臉上卻是笑著的。

待續......