有種毒撚叫邊緣人: 第一章:開學日，毒撚不該說話(上)

第一章:開學日，毒撚不該說話(上)
「『毒撚』，又稱毒L、毒男，是一個次文化用語，指欠缺異性緣的單身男性。」--------香港網絡大典。  大家好，我叫馮梓堅，瘦底，帶黑框眼鏡，普通樣，吾是毒撚一名，「唔是」唔係「唔係」嘅意思，而係「我係」嘅意思。

   哈哈哈，係唔係覺得個gap(專登打錯字扮搞笑)又舊又唔好笑呢，正常，毒撚唔識講笑話是常識吧， 更何況我地連同正常人講野都有問題。

   入正題，我叫馮梓堅(說話reply是常識吧)，我今年讀F.5，喺某間東區教會學校讀書， 我係絕對唔會同你講 嗰間中學係叫做x理中學。(抱歉，一時控制唔到自己搞爛gag加離題)

   今天是九月一日，是萬惡的開學日。

  「發左成個暑假霉之後，我終於可以重見天日， 見番我D好朋友，實在令人太滾動喇!」



   說話的人叫阿傑，人稱傑少，正宗Mk仔一名，Mk look，矮矮地，雖然無染到金毛，但都係有撇吾知點樣既陰和懶潮既八二分界髮型。

   話說身為毒撚的我當然是坐在班房的角落，也就是邊緣人的專有位置。傑少以誇張的步伐踏進課室，並好似777當選特首咁向人群揮手，而結果當然就是只得一些擦鞋仔理會他吧。

   正當我在低頭偷看着那Mk仔的舉動時，他突然藐咗我一眼，好像野生捕獲了稀有生物一樣，又再以誇張的步伐走過來，對我說:「又做毒撚啊，馮梓堅!」

   「係啊，又做毒撚呀，你就好啦，有咁多friend， 得閒關照下我啦，醉愛傑少!」

   「醉乜撚傑少姐，我都吾撚係Mk仔。」



   好一句吾撚係mk仔，就好似淋病月娥就自己吾係撕裂2.0一樣，都係無人相信。試問精神病人會吾會同醫生講自己有病?當然，依個時候一定會有班小學雞衝出黎問番個醫生有無精神病，但憑閣下依個吾知點樣既髮型，同埋你說話夾雜著粗口和誇張的舉動，如果你出街搵到十個人話你唔係mk仔嘅話，你返嚟搵我啦!  係喎，講起佢嘅髮型，我好奇咁問:「依你個咁潮嘅髮型冇被訓導捉咩?」

   「有啊，我都吾明，明明我都無染金毛，淨係剪咗個八二分界加撇陰之嘛，都吾知點解佢地會叫整 過個髮型都有嘅，真係fashion依家嘢佢地識條鐵咩!」  我差D忍吾住笑左出黎。

   依個時候，自稱係毒撚既阿康番左黎，佢見到我之後就立刻衝過黎同我講野。

   「唉，馮梓堅，我暑假成個月都無出個門口啊，真是慘阿!」

   阿康，瘦底，高高地，靚仔樣，相信大家都應該估到啦，佢就是我地毒撚們既公敵:偽毒!



   偽毒康繼續說:「除左班group之外，我個whatsapp成個月都無震過啦!」

   係咁既話你一定將個whatsapp del左喇。

   「所以，我唯有日日聽住『原來她不夠愛我』囉！」

    嗯，「原來她不夠愛我」吾係吾好，但首先......So sad!

   佢同我吹左幾句水之後(事實上我都無應到佢)，就走左去一班男仔friend度，傾下暑假個時去邊到玩，說好的暑假成個月都無出過門口呢。現在你明白當偽毒的好處吧，既可以r到吾同類型既friend，又吾怕打機時被人話係毒撚。當然，最大的好處是可以扮可憐乘機溝到女啦，這就是我們最討厭偽毒的原因。

   正當我的視線離開了偽毒康時，才發現原來我前面早已坐了一個人。

   「喂，巴打，做咩番左黎咁耐都吾打個招呼啊!」



   坐在我前面的人叫做黎進廷，英文名Justin Lai，係我既best friend，矮過我少少，帶藍框眼鏡，比我靚仔(佢話)。大家吾好誤會，就算係毒撚，都會有自己既best friend(邊緣人例外)，而我地之所以做到best friend，最有可能係因為我地都係毒撚加A0仔，同病相憐，自然物以類聚。

   Justin:「咁你頭先同偽毒康吹緊你啦嘛，點敢叫你姐。」

   我:「係佢自己衝過黎做喎，頂佢仲要話自己暑假成個月都無出過門口，但係轉過頭就響到同佢D friend講佢暑假去左邊度玩，真係笑死朕啦!」

   Justin:「咁你呢，暑假有無識到D咩女女啊?」

   我:「頂你，講呢D。如果有既話，我就無會坐喺度同你傾計啦!」

   Justin:「超你，我咁靚仔，點會無女溝啊!」

   我:「 屌你，如果你有女溝就唔會喺度同我傾計啦!」

   講完後我地兩個都忍吾住笑左出黎。有時好朋友就是這樣，不需要說太多的話，亦能互相說出心聲，也許這就是男人的默契吧!



   上課的鐘聲響起，提醒了我抱著歡迎的心態，迎接新學年的開始。