有種毒撚叫邊緣人: 第二章:開學日，毒撚不該說話(下)

第二章:開學日，毒撚不該說話(下)
開學日，話題其實都離不開誰當班主任，因為這將決定未來一年的命運。也許你會問，F.4-F.6不是同一個班主任嗎?沒錯，這是因為去年的班主任辭職了，所以我們會有個新的班主任。

「要是莫sir做班主任就好啦!」我說。

「吓，好咩?佢會突然間發狂鬧人㗎喎!」Justin說。

「但係佢鬧人個樣好好笑，而且佢鬧完人永遠都會玩後悔，氹番人。」我說。

「但係我都係最鍾意陳sir，嗰個永遠都吹吾亂嘅髮型實在笑死撚朕。」傑少插嘴。



Mk 仔就係咁，講乜嘢都要加句粗口，而且grammar仲要用錯曬。

「陳sir最正係次次比賽佢都話贏硬，但次次都輸到貼地!」

「直頭係仆街添啦！」傑少又發揮佢嘅mk本色。

「計我話邊個係班主任都好，總之唔撚係李婉欣就得啦！」

我講完呢句之後，班房門就打開咗，一個三十來歲、長頭髮、帶綠框眼鏡、神情嚴肅的女老師走進來，沒錯，她就是李婉欣老師。



全班一片死寂，就連Mk傑少都收埋聲。

呢鋪真係向左走向右走hihi啦!又會咁tbb玩開口中都有嘅，正所謂柒到盡頭便是型，我真係型到一個點呀!

所以，毒撚還是少說話好。

對了，仲未講李婉欣係邊個添。李婉欣，教英文，F.5訓導老師，佢做事出名認真、嚴格、要求高，可以俾佢教到真係會「開心」成個學期。

她一入到嚟，袋都未放低，就鬧人:「頭先你哋好嘈呀，我喺樓梯邊都聽到吖。我唔想返學第一日就罰人抄書囉，understand?」



「Understood!」 我哋班首次應老師仲齊過敬禮。

果然，惡的老師就是要施下馬威。

敬禮後，她就開始自我介紹:「大家好，我叫李婉欣，我會教你哋班英文，請你哋叫我做Miss Lee。你哋都應該知道，我係F.5訓導老師，我嘅要求好簡單，要認真和嚴格，要對自己有要求 。你哋今年將會有好多Quiz和Dictation，今日係禮拜二， 禮拜五你哋會有dictation，Recite背默既， 係起Textbook P.5嗰篇文抽出嚟嘅第一段，唔係好長啫。」

Mk傑少細細聲說:「搞鬼錯呀，開學第一日就要人背書，其他班都唔使啦，真係痴孖肺!」

點知就畀李婉欣聽到，佢鬧傑少:「我哋係D班，精英班嚟㗎，如果唔快人一步，咁點贏人呀!」

我哋不禁倒抽一口涼氣，為mk傑少同志的壯烈犧牲默哀一秒鐘，惡夢要開始了! 不，我的惡夢尚未開始，但快了!

Miss Lee問:「Who can help me to distribute the dictation paper?」



佢已經迅速轉咗台做英文，可怕!

所有人都唔夠膽舉手， 佢對眼就好似激光脫毛機咁素描我哋(唔知點解會諗到依個咁九唔搭八嘅比喻)，佢嘅目光停下來，並指著班房最角落、 那邊緣人的專門位置，叫那位同學出嚟派嘢，沒錯，那位同學就是我。

我嚇呆咗，我開始懷疑她其實是否聽到我爆seed，現在要玩報復。我膽戰心驚，出去接過Dictation paper後，便開始派。

我派咗畀第一行之後，就發現:「Miss Lee，張Dictation paper好似印錯咗喎，佢印左TextbookP.9出黎。」

點解我會知?對於我哋呢啲毒撚嚟講，暑假真係好悶，我哋個whatsapp真係可以成個禮拜都冇震過，所以我半推半就下睇咗少少本English Textbook，點知就出事喇!

佢走咗過嚟check一check之後，就話:「係喎，真係搞錯咗，依篇本來係下星期先默架喎，咁你打算點處理呀?」

嗰時我仲要好天真咁答佢 :「D野可以照派，張紙後面有空白位，我地可以係後面寫番篇正確既Dictation上去，當係温習都好，可以環保D!」

佢點點頭話:「個suggestion幾好啊，你之前有無做過英文科長?」



「有，上年做過。」開始覺得有點吾對路。

「咁有冇做過班長?」

「無。」

「咁就得啦，你黎做班長啦!」

「 吓?!」

唔係咁開心吖嘛!

「咁你係唔係唔想做?」



你咁樣問，我又點夠膽話唔想做喎。

「吾係吾想做，係我怕......」

「得啦，吾係吾想做就可以啦，聽日記住去想上course啊，就咁決定!By the way，你叫咩名?」

點解你可以連我叫咩名都吾知就叫我做班長架!

「我叫馮梓堅，Egbert Feng!」

現在大家應該明白一個道理吧!開學日，毒撚不該說話!