#18
一瞬間,我還以為華小姐已經轉校回香港了,還特地穿著校服過來找我。
我的心臟怦然猛跳起來,直到她走過來暴力地拍我兩下,我才清醒過來,看到來人是Michelle。
 
我失望地呼了一口氣︰
「乜係你……」
Michelle苦著臉,似是沒聽到我的話︰
「……我唔知點算好……」
 
...................................................................................


.《自修室》小說已登錄各大書店
. 全新特別篇及修改內容
. 已上架了,不容易找囉,要買的快喔
....................................................................................
 
Michelle很焦急,甚至等不及我帶她去一邊,正正站在校門口就開始說她的故事。
原來周未那件事之後,她不斷嘗試找Abby,但無論打電話、MSN、SMS,都收不到Abby的回音,她甚至懷疑自己已經被Abby block了。
於是今天上學見到Abby時,Michelle就發狂似地糾纏她,一口氣跟她解釋了很多。
誰知Abby聽完之後,竟由不肯正眼望她,變成遠遠看見她就轉身走。
 


「咁你即係講咗乜嘢?」
Michelle咬咬唇︰
「我……我咪、咪同佢講返……講我只係唔識得點拒絕阿堅,所以先至想去同佢講清楚……我真係唔想拍拖咁……但佢就話我,咁點解又好似接受你咁……所以、所以我咪同佢講,其實我同你傾好咗,只係扮……」
 
「唉,咪叫咗你唔好講囉,你又要講埋。」
Michelle一臉委屈︰
「咁、咁我真係……真係好驚架嘛,佢完全唔聽我電話又唔睇我message。佢咁問我,唔講又解釋唔到……」
 
「然後阿Bi點講?」
她垂下隻眼︰


「乜都冇講,好嬲咁走咗……」
 
.
 
我心中暗嘆一口氣。
原來女生這麼重視被人拒聽電話這種事,看見Michelle這失魂落魄的模樣,我就想起當初被我反覆cut線的華小姐有多慘。
 
也許是出於同情,我安慰Michelle︰
「你都係唔好再出聲啦,我幫你同Abby解釋,話係我嘅主意囉。」
「咁就得?嗯……你……你之前係點樣同阿堅和好嘅?」
「我都係道歉架咋,等佢下咗啖氣,再……」
 
正跟Michelle說到一半,突然注意到一個高佻的女生筆直地向我走近,臉上還掛著一抹迷人微笑。
她獨特的笑容我不會忘記,畢竟雖然短暫,但她曾經兩次做過我的女朋友。
 


.
 
Suki,我人生中唯一一個前女友,好久沒對我這麼笑過,一看見她我的臉頰就逕自熱了起來。
只見她走到我旁邊,手指熟絡地搭在我手臂上︰
「咦,阿翔,睇嚟你同名校嘅女仔特別有緣喎。」
 
「Su、Suki,唔好亂講……我哋只係一齊補習架嚟……」
Michelle好奇地望著Suki,只見她輕柔地擺擺手︰
「是旦啦,冇所謂,我哋分咗手好耐啦喎。」
說著,突然湊近我的耳邊︰
「我係想提你呢,阿堅喺後面望實你囉。你今次唔會又玩監守自盜呀嘛?」
 
我後背一涼,連忙回頭一看,果然看見阿堅站在離校門口稍遠處。
他留意到我的動作,便裝作滿不在乎地走出來,經過我們身邊時還面容緊繃地揮揮手。
Michelle尷尬地揮手回應,Suki打量了Michelle幾下,古怪地掩臉笑笑︰


「果然都係同一type喎,幾長情呀你哋。」
「喂……」
 
Suki吐吐舌頭︰
「好啦,唔講囉。男朋友嚟接我出job啦,bye~」
說著,她輕快地向停在路邊的私家車跑去,司機的臉正好被車門擋住,看不清他的樣子。
 
Michelle雖然顯得好奇卻什麼都沒問,只是拉著我的毛衣衣袖︰
「阿翔,Abby嗰邊……我應該點做?」
我這才回過神來,想了一陣︰
「呃……不如咁啦,總之我諗辦法幫你同Abby和好,你就做返之前應承過嘅嘢,OK?」
「當然OK!」
她想都沒想就點頭。
 
.


 
那天補習,我們四人坐在一起,但阿堅不敢正視我和Michelle,Abby全程跟我和阿堅談笑風生,Michelle愁眉不展一副快要哭的樣子……
我坐在他們中間,感覺如坐針氈。
補完習,我再約他們去吃東西,果然又一次碰壁。
 
事情雖然很難辦,但為了得到想要的東西,我願意一再嘗試!
於是我叫Michelle不要再找Abby,手寫一封長信給她,把事情說清楚。
另一方面,我在MSN跟Abby說,一切都是我的主意!
我為了得到華小姐的消息,才主動提議幫她擺平阿堅。
 
Abby卻只說︰
「哥,唔好再畀佢利用啦。你以為咁樣幫佢頂咗佢會多謝你?唔會囉 ╮(╯_╰)╭ 但你有冇諗過阿堅?上次佢已經好慘架啦(゚皿゚メ)」
「上次?」
「Σ( °△°) 你都係當我冇講過啦,我乜都唔知架」
 


.
 
Abby的話令我緊張兮兮,第二天在學校想跟阿堅說話,還怕他會轉身就走。
沒想到,他反而淡然地走近︰
「點啊?係咪有嘢想同我講?」
我只能點頭。
 
阿堅也不多話,領著我就走上樓梯,一直走到天台前的樓梯口。
這地方正是我之前跟阿堅吵到打起來的地方,我看見天台門上那扇小窗,後背已經隱隱作痛。
難道……他還想再打我一頓?
 
只見阿堅站到靠牆擺放的儲物櫃前,他的表情平靜,完全看不出來他在想什麼。
「你想講咩?Michelle嘅事?」
我裝作淡定︰
「呃,都係嘅。你哋……好似有啲……」
 
他牽起嘴角一笑︰
「乜Michelle冇同你講咩?」
「我……我估到啲嘅……」
「估到乜嘢?」
「呃……可能佢……想、想專心讀書卦……」
 
他瞪了我一眼︰
「阿翔,你真係一啲都冇變。」
我意識緩和氣氛︰
「吓……我高咗喎但係。」
「我嘅意思係,仲係同子昕嗰次一樣,完全一樣。」
 
阿堅的眼鏡精光一閃,我的心跳倏地加速。
猜不到他竟會主動提起這個禁忌。
 
我嚥了嚥口水︰
「……你講乜呀?」
「Abby同我講晒啦。其實你次次都搞咁多嘢,唔辛苦咩?」
「我、我就係想同你講呢件事。即係咁,其實我同阿Mi本身冇嘢架,只係佢唔想阿Bi以為佢有心爭仔,所以我哋傾好咗由我去扮佢男朋友,點知仲準備緊,就已經……」
 
我才解釋到一半,阿堅突然打斷我︰
「你做過啲咩我知啊!Abby已經同我講晒,所以我先話你同上次一樣!朋友對你嚟講,係咪用嚟出賣架?為咗女,你係咪可以推我墊屍底啊?」
 

.
by又曦
like Page追看最新章節︰http://bit.ly/2jHymHF
已有 0 人追稿