✏️(結局篇已出書)陪朋友去自修室追女神，點知女神鍾意咗我【自修室】【補習社】【時光機】網店有售: 補習社篇 後記 ◣劇透慎入

 
《時光機》現已出版，網店發售
實體書購買︰https://morningrays.boutir.com/
Patreon訂閱初稿連特別篇︰http://bit.ly/39Ab0N3
 
．作者FB︰http://bit.ly/2jHymHF
．作者IG︰http://bit.ly/2rxGoFA
 
///////////




後記
 
漫長嘅補習社篇終於寫完啦！！
老老實實呢一篇真係寫到好想吐血，不知幾想做個佛系作者，唔設定唔設計唔寫大綱唔寫稿，緣份到份稿自己會寫好自己，阿彌陀佛……
可惜，世界上邊有呢D好事。
 
如果喺FB由頭追起嘅讀者都知，個故一開始係用Michelle視角寫嘅。
我本身構思嘅三部曲是咁的︰
翔視角，Michelle視角，華小姐視角


 
但係！
但係，寫寫下就越寫越唔對路。可能係因為Michelle個性同華小姐太唔同，要寫佢哋唔似得嚟又似，好難捉摸呀……
於是寫寫下又要轉返阿翔視角，然後Michelle嘅個性又同Michelle視角嘅唔同咗。
 
所以雖然故事簡單啲，雖然回數短過第一季，但寫嘅時間仲多過第一季，想喊。
 
不過，漫長嘅旅程始終都有結束嘅一日！冇錯，就係今日。
連埋特別篇，故事入面嘅謎應該已經解開晒。
答幾個經常有人問嘅問題先。


 
阿Mi同華小姐究竟有幾似？
都係乖乖女認真識讀書，笑容似，完。
 
補習社篇會唔會出書？
我都唔知Hahahaha。一方面要同出版社夾，另一方面因為補習社篇寫得亂，如果出書應該要由頭修稿……即係由頭寫過咁滯……即係……諗下個工作量已經覺得想嘔，都係遲啲先講啦~
 
華小姐幾時返？
睇《自修室》本書個特別篇。
 
個故事係咪仲會寫落去？
……會T^T
 
頭先都劇透咗，本身就諗住寫三部曲。
(本身嘅意思係寫完第一季之後；開始寫第一季之前我本身嘅本身諗住寫十回2萬字左右……而家已經十倍都唔止……)


有一點失算嘅係，本書個特別篇預視咗補習社篇個結局🤦，所以睇過書嘅人應該一早估到……
都冇辦法~本書12月出，偏偏我12月仲改寫緊，人算不如天算嘅嘢~
 
但我覺得補習社篇始終好緊要。
等一個人好難。
阿翔一直等華小姐咁多年，冇可能乜事都冇發生過。
中間一定有啲人出現過。
 
華小姐改寫咗阿翔個人生方向，但係因為阿Mi嘅事，阿翔先終於反省自己嘅愛情觀。
喺我角度，令阿翔成熟嘅人係阿Mi。(華小姐派暴動中)
 
構思嘅時候，諗過阿翔同阿Mi各種關係嘅可能性。
例如話，其實一齊過，然後分手。
但係經歷過Suki嘅事，佢應該做唔出。
又例如話，阿翔最後都係避開阿Mi，好似以前對住華小姐咁。


一樣，而家嘅佢都做唔出。
於是補習社篇就以而家呢個樣定案。
 
我有深切反省過，點解呢篇寫得咁辛苦。
結論︰因為一開始冇定好晒啲嘢，一路寫一路改。
所以~第三季一定要set好晒所有嘢之後再開始寫！！
所以~哇哈哈哈哈，即係冇咁快囉。
 
不過名已經定好。
下一季︰時光機篇(暫名)
內容任君想像~
喺度應承大家結局唔玩粒聲唔出留書離開香港hahahaha
其他嘢唔保證。
 
等唔切嘅朋友可以睇住舊作先︰《七年後，我再遇上雨傘的主人》


http://bit.ly/2JiWD2X
反正久別重逢嘅嘢，都係大同小異嘅啫~好似係
 
Btw，有啲讀者話喺紙言睇故以為我係男作者，咁咪好囉，即係我寫阿翔寫得好成功啦hahahahaa
歡迎FB或IG搵我~
 
.
by又曦
最新消息會喺FB發佈︰http://bit.ly/2jHymHF
IG講無聊嘢︰http://bit.ly/2rxGoFA

 
***補習社篇出書版與網上版是完全兩個故事
 



全系列現已出版，網店發售
實體書購買︰https://morningrays.boutir.com/
Patreon訂閱初稿連特別篇︰http://bit.ly/39Ab0N3
 
*【時光機】由作者自資出版，外邊書店沒得買
你購書支持，將令我不必再苦練光合作用維生~衷心感謝
 
．作者FB︰http://bit.ly/2jHymHF
．作者IG︰[url=http://bit.ly/2rxGoFA%5b/url]http://bit.ly/2rxGoFA[/url]