當年我曾經追到一位女神,但我竟然飛左佢。: 第二十二節:解題

放學個陣阿結叫我等埋佢一齊走,我係學校門口等左佢五分鐘。

「喂,阿靜變左咁靚既,妳教佢汁樣架?」阿結第一句就問我

「算係啦,做咩咁問呀你有興趣?不過又係既阿靜依家變到成個女神咁,有邊個男仔會唔鐘意」我自問自答

「岩呀,所以今日班上面好多男仔都講佢。話說你解到檸檬點解未呀?」阿結唔知係邊到收到風

「唉唔好提啦,諗左成個聖誕節假都未諗到,好難解呀」我嘆哂氣咁同阿結講



「不如你試下唔好諗得咁深入,有時啲野就係我地將佢簡單複雜化」阿結比左個意見我

講到依到我地就分開左自己屋企。

番左屋企我係雪櫃到拎到一個檸檬出黎研究。但睇極都睇唔明。

除左黃色之外我諗唔到其他野咪住知,我應該係阿彤既角度上諗,以我所知阿彤唔會淨係睇表面,仲會睇埋內在。

我記得阿彤都幾鐘意飲凍檸茶,飲之前一定要篤下啲檸檬片。



篤完飲個時有時會有甜味,有時會有酸味,如果唔小心篤到檸檬皮更加會有苦澀味。

諗到依到睇黎我已經解開左個迷題,我終於明白檸檬依個名想表達咩意思。

我決定將我所諗到既答案留係情人節前一日同阿彤講,比個驚喜佢。