當年我曾經追到一位女神,但我竟然飛左佢。: 第二十三節:抉擇

終於等到情人節前一日。我好期待咁一早起身番學,期望阿彤理番我,亦希望可以同佢重新開始。

遺憾既係阿彤今日竟然無返到學,仲等我鼓起哂勇氣,充滿期待咁想睇下阿彤見我解到條問題會有咩反應。

「做咩今日咁靜既,平時你都會聊我傾計,今日我同你講野你都淨係答嗯同哦。」阿靜擔心咁問我

「無野呀,諗緊野姐,係喎聽日情人節啦喎,妳準備同妳鐘意既男仔表白未。」我問番阿靜

「準備好啦,等緊聽日到炸,希望佢會接受啦。」阿靜話



「係男仔一定會接受既,真係好想知你鐘意既男仔係邊個。」我好奇咁問

「我鐘意既男仔一直都係我身邊。」阿靜細細聲咁講

「你岩岩講咩,太細聲聽唔到。」我話

無野啦,阿靜講完就嬲爆爆咁行左去廁所。

唔知係錯覺定咩野,我覺得阿靜比起前一年主動同健談左好多,希望佢成功追到佢鐘意個位男仔。



小息個時我去問阿權知唔知點解阿彤今日無返學,阿權答我話阿彤有啲事,聽日一定會返放心。

聽到阿權咁講我都放心好多,幾驚阿彤聽日都唔番。

放學返到屋企,我對住塊鏡練習聽日點樣同阿彤講好。

迷底已經解開啦、答案只有一個,諗黎諗去試黎試去都覺得自己咁講會好老套。

都係等聽日順期自然啦,我訓上張床到,幻想住聽日既畫面就訓着左。



今朝集隊既時候我見到好多女仔都拎住一袋野 ,睇黎裏面既野係要黎送比心儀既男仔。

我留意到阿彤手上都有一袋,睇黎佢尋日唔返學就係為左依袋野。

由於今日無中史堂,無咩機會同到阿彤單對單相處,所以我決定放學之後先同佢講。

今日既小息同lunch都特別熱鬧,唔少女仔都向心儀既男仔送朱古力,一見到依種情況,我就好期待。

唔知阿彤袋野係唔係送比我既啦?

終於等到放學,阿彤出左課室去左洗手間,依一刻我既心情可以話緊張到幾點。

突然阿靜拍一拍我膊頭,拎左袋野放係我面前再同我講。

「送比你架夏至東,其實我鐘意左你好耐,你可唔可以到我係埋一齊。」阿靜塊面紅哂咁同我講



班上面其他同學開始傳黎歡呼聲，有啲人話估你唔到喎夏至東,有啲就話在一起,在一起。

面對住咁既情況我呆左係到,我唔知點答好,我亦都留意到阿彤原來一早去完廁所企到係門口，我諗頭先既事佢應該睇到哂。

阿彤眼有淚光咁行番埋位拎起書包同袋野就好嬲咁走左,而我想追出去既時候先發現周圍既同學已經將我同阿靜圍埋一齊。

依一刻我唔知點同阿靜講,只好暫時答應左佢,成班同學一齊歡呼。

夏至東你究竟做緊咩諗緊咩,你個心明明得阿彤,點會搞到依家咁既情況。