接受完阿靜既表白同朱古力之後,我就話有急事所以要走先,我係其他同學既歡呼聲之下離開左課室。

我出左學校門口既時候,阿彤已經唔知行左去邊,就算見到佢我都唔知點樣面對佢。

行到一半路有人係後面叫住我,正想我以為係阿彤既時候,另轉面原來係阿結。

「做咩呀你,你之前唔係先講完幾鐘意阿靜既咩?依家追到人仲好似咁唔開心咁既?」阿結問我

「我係有鐘意過阿靜,依家都仲係。但係我唔係真心鐘意佢,我鐘意既只係阿靜既表面,而唔係內在。」我用返以前阿彤講過既說話同阿結講



「咁妳又接受阿靜?頭先同佢一五一十講清楚咪得。」阿結有啲嬲咁講

「我都想,但係頭先咁多人望住,加上又情人節拒絕阿靜會令大家都難做。」我講

「咁你最好快啲同阿靜講清楚,唔好令到佢誤會,拖落去亦都對大家唔好。」阿結好認真咁講

「嗯,我會架啦,記住唔好同人講依件事。」我叮囑阿結大家就各自返屋企

返到屋企我試左一粒阿靜整既朱古力,味道又甜又苦,就好似我依家既心情。



我點樣先可以同阿靜講清楚?點樣先可以同阿彤解開心結?

諗到依家我個頭就開始痛,我真係唔知點做好。

訓醒晏覺,我手機收到一個whatsapp,係阿靜send過黎。

因為聽日星期六,所以佢想約我出黎行下街,我無拒絕佢,仲想襯依次機會講清楚。

食晚飯個時,老豆見到枱上面盒朱古力就同我講。



「哇阿仔竟然有人送朱古力比你呀,係唔係男仔送架。」老豆講笑咁講

「緊係唔係男仔送啦,一個女仔送架。」我答番老豆

「乜你唔知我地個仔好多女朋友既咩?」母親都加把嘴講

「我都真係唔知喎,阿仔呀記住要對女朋友好啲呀,錯過左就無架啦。」老豆語重心長咁講

「知啦知啦老豆。」答完我就無再出聲

臨訓前我又諗左陣,難得有個女仔對自己咁好,依家同佢講番清楚會唔會太衰?

學老豆咁講,錯過左就無架啦。

唉唯有見步行步啦。





【唔鐘意人就唔好拖,咁做會傷害左女仔既感情】