當年我曾經追到一位女神,但我竟然飛左佢。: 二十八節:真情

我用左十五分鐘跑到阿彤屋企樓下既時候,我拎部手機出黎打比阿彤。

嘟嘟..........嘟嘟...............嘟嘟,響左一段時間終於有人接聽。

我講左句喂,無人回應我,但我知道阿彤係電話既另一邊聽緊我講野。

「我依家係妳屋企樓下呀,阿彤求下妳落一落黎,我有野想同妳講。」電話既另一邊依然無人回應

我收左線,係樓下期待住阿彤既出現。



等左五分鐘......十分鐘.......十五分鐘......二十分鐘......二十五分鐘我都未見到阿彤既出現。

我覺得依個係阿彤比我既考驗,佢想知道我會唔會好似以前咁,咁容易就放棄。

等左三十分鐘,我正想再打多一次比阿彤既時候,我就見到大廈門口有個熟悉既身影出現。

係阿彤,佢一身睡衣裝束,睇黎佢係睡夢中比我嘈醒左，好彩佢部電話唔係長期靜音型,唔係我今晚跑過黎就白費哂。

我見佢慢慢行過黎,我實在等唔切,我衝左上前攬住佢,佢好快咁推開左我,我覺得我地兩個突然之間變到好陌生。



「妳仲黎搵我做咩,唔洗搵阿靜啦咩?」阿彤好冷淡咁同我講

「我地係頭先已經分左手,佢知道我仲鐘意妳,所以放左手比我追番黎」諗番起頭先我有啲眼濕濕

阿彤聽完我講都有啲驚訝,再同我講

「妳又要一個鐘意妳既女仔傷心,妳究竟有無改變到?」阿彤問我

「我真心鐘意既係妳,依個係改變唔到既事實,阿靜係一個好女仔,我唔想佢同一個唔係最鐘意佢既男仔一齊。」



「仲有,其實我一早已經解開左妳個花名檸檬係咩意思。」我繼續講落去

「妳想將檸檬當成一份愛情,有甜,有酸,而當妳食到或者篤到檸檬皮既時候會有苦澀味,比如為一段感覺裏面既鬧交。」

我見到阿彤露出左久違既笑容,就好似我第一次見到佢既笑容。

「傻佬,咁簡單既問題你都可以諗左兩年。」阿彤今次主動攬番我

「對唔住,要妳等咁耐,我以後唔會再嚴自己襯唔起妳,唔會再離開妳。」我同阿彤講

「係至好講！」阿彤笑住答我

個晚我同阿彤傾到好夜,重新講過依兩年我發生左啲咩,佢又講下咁,我地就好似返到起點咁。

有妳係我身邊,我已經好滿足。




【兜兜轉轉又返到起點】