當年我曾經追到一位女神,但我竟然飛左佢。: 第二十九節:兩人

我同番阿彤復合之後,差唔多成個復活節假日日都約佢出黎食Lunch。

今日係復活節假最後一日,我地亦都一齊食lunch,食完之後就一齊做功課。

「阿彤呀,妳識唔識我地班上面嗰個阿結?」我問阿彤

「唔係好識但都有講過幾句野,我成日都覺得佢好似非洲人,黑黑實實咁」阿彤講完都係到偷笑

「唔知點解呢,佢成日都知到好多野咁,尤其是我地兩個啲野。」我講



「唔出奇呀佢份人咁健談又玩得喎,好多人都鐘意同佢做朋友。」阿彤答番我

「不如妳講返妳同阿權之間發生過咩事?我都幾想知道下」我問阿彤

「你仲記唔得你話要分手個日?我自己一個人行到去地鐵站返屋企既時候,阿權就出現左係我身邊。」

「佢不斷講說話安慰我,令到我既心情慢慢平服番落黎,佢仲留低左電話號碼比我,話我一唔開心就可以搵佢傾。」

「咁我又唔想煩到阿敏同阿禧,所以就開始同阿權傾。」講到依到我打斷左阿彤



「係喎,妳知唔知阿禧點解退左學同去左邊到?」我問阿彤

「我都問過阿敏,但佢死得唔肯同我講。但我聽阿權講阿禧好似家庭關係而去左返工,詳情我就唔知啦。」阿彤答我

我諗阿結應該會知阿禧,我心諗無同到阿彤講

「咁妳繼續講番妳同阿權之間既事啦,我想繼續聽落下。」我同阿彤講

「基本上我同阿權誚哂我地之間既野,包括我對你既感覺。」阿彤講



「乜妳咁隨便就講比人聽我地之間既野架。」我扮嬲咁同阿彤講

「鬼叫妳咁鬼死蠢話襯唔起我就分手,我又無乜可以講到心事既朋友咪同阿權講。」阿彤真係嬲咁同番我講

「係既係既我蠢sorry彤姐。」我同阿彤道歉

「之後我就愈玩愈埋,搞到好多人以為我同阿權拍拖。」

「係呀係呀,我嗰時都以為妳地兩個拍拖。」我講

「其實阿權有同我表過白,但比我拒絕左,因為我仲好鐘意妳,但佢依然留係我身邊同我做朋友,佢真係一個好好既人。」阿彤有少少面紅

「岩呀,佢都想我地兩個係埋一齊,都係佢講番妳對我既感受我先肯下定決心追番妳。」我表達番我對阿權既感覺

「之後都無乜野啦,大部份時間都係我教下佢做功課,佢聽我講下心事咁。」阿彤講



唔經唔覺我地兩個已經傾左半個鐘頭，啲功課掂都無掂過。

唔好講啦,快啲做功課啦,我唔想又比安迪鬧呀。

我地同班又同選修科,有功課唔明就互相教大家。

有妳係我身邊就夠啦阿彤